ينفۋزوريالار ءتيپى
ينفۋزوريالار ءتيپى (Infusoria). بۇل ءتيپتىڭ قۇرامىندا 6000-نان اسا ءتۇر بار. كوپتەگەن ەكولوگيالىق قۋىستاردىڭ مەكەندەۋشىلەرى بولىپ تابىلادى. ەركىن تىرشىلىك ەتەتىندەر، ءپارازيتتى تىرشىلىك ەتەتىن ينفۋزوريالار دەپ بولىنەدى. ەركىن تىرشىلىك ەتەتىن ورگانيزمدەردىڭ بەلگىلىلەرى پارامەسيا نەمەسە كەبىسشە (Paramecium caudatum) بولىپ تابىلادى. بۇل ورگانيزمنىڭ دەنە فورماسى سوزىڭقى، ءبىراق تۇراقتى، ويتكەنى سىرتىنان تىعىز پەلليكۋلامەن قورشالعان، ال ىشىندە (ەكتو- جانە ەندوپلازمادا) تىرەك قاڭقاسى قىزمەتىن اتقاراتىن جىپشەلەر بولادى. سول سياقتى ەكى يادروسى (ماكرونۋكلەۋس ي ميكرونۋكلەۋس) بار. دەنەسىن جاۋىپ تۇراتىن كىرپىكشەلەرىندە بازالدى تۇيىرشىكتەر بولادى. پارامەسيا ءۇشىن سيتولوگيالىق ماماندانۋ (اۋىزالدى ويىس-كلەتكالىق اۋىزدىڭ پەريستوماسى، وڭەش، انۋس جانە تريحوسيستانىڭ بولۋى) ت2ن. جىنىسسىز (ءبولىنۋ)، سونىمەن قاتار كونيۋگاسيا تۇرىندە جۇرەتىن جىنىستى جولمەن كوبەەدى.
بۇل ءتيپتىڭ پاتوگەندىك وكىلى ادامدا بالانتيديوز اۋرۋىن تۋدىراتىن بالانتيديي (Balantidium coli) بولىپ تابىلادى. ادام بالانتيديا سيستالارىن ولارمەن زالالدانعان اسپەن جانە سۋمەن بىرگە، سول سياقتى لاستانعان زاتتاردان جۇقتىرادى. دامۋ سيكلىنىڭ جارتىسى ءپارازيتتى، جارتىسى ەركىن تىرشىلىك ەتەتىن ينفۋزوريالاردىڭ تۇرلەرى دە بەلگىلى. مۇنداي ينفۋزورياعا بالىقتاردىڭ ورگانيزمىندە پارازيتتىك تىرشىلىك ەتەتىن يحتيافتيريۋس جاتادى. ينفۋزوريالار — قاراپايىمدىلاردىڭ ىشىندەگى ەڭ ۇيىمداسقان تىرشىلىك يەلەرى. ولار وسى پاتشالىقتارماعىنىڭ گۇلدەنۋشى توبى دا بولىپ تابىلادى.
قاراپايىمدىلار — جەر بەتىنىڭ كونە مەكەندەۋشىلەرى. ساركودالىلار مەن تالشىقتىلاردىڭ اراسىنداعى تۋىستىقتى جورامالداي وتىرىپ، كوپتەگەن پروتيستولوگتار قازىرگى قاراپايىمدىلاردىڭ ارحەتيپتەرى ساركودالىلار دەپ سانايدى. ءبىراق قاراپايىمدىلاردىڭ ەۆوليۋسياسىن تۇسىنۋدە قاراما-قايشىلىقتار كوپ، ويتكەنى ساركودالىلار مەن تالشىقتىلاردىڭ اتاتەگى ءارتۇرلى، وتە ەرتەدەگى ءتىرى ورگانيزمدەردەن پايدا بولعان پىكىر دە بار. ارومورفوزعا دا، وعان مىسال رەتىندە ينفۋزورياداعى كىرپىكشەلەر مەن يادرولىق اپپاراتتاردىڭ دامۋىن قاراستىرۋعا بولادى جانە ءبىرقاتار قاراپايىمدىلاردا پلانكتوندى تىرشىلىك ەتۋ نەمەسە سيستاعا اينالۋعا بەيىمدەلۋ تۇرىندە بولاتىن يديواداپتاسياعا دا ۇلكەن ءمان بەرىلەدى. كەز كەلگەن جاعدايدا دا قاراپايىمدىلار الەمىندەگى ەڭ پروگرەسسيۆتى فورما ينفۋزوريا دەپ سانالادى.
You Might Also Like
-
بيداي قوڭىرباستار تۇقىمداسىنا جاتادى دا، 22 ءتۇردى بىرىكتىرەدى. ءداننىڭ گۇل قابىقشالارىنان اجىراتىلۋ دارەجەسىنە قاراي بارلىق بيداي تۇرلەرى جالاڭاش ءداندى نەمەسە ناگىز بيدايلار جونە قابىقتى نەمەسە پولب...
-
بۋىناياقتىلار ءتيپى (Arthropoda). بۋىناياقتىلار — ومىرتقاسىز جانۋارلاردىڭ جوعارعى ءتيپى. ونىڭ قۇرامىنا 650 000-عا جۋىق ءتۇر ەنەدى، ولاردىڭ نەگىزگى بولىگىن ناسەكومدار قۇرايدى. ءتۇر سانى بويىنشا ول ج...
