InfoHub Logo

2026 жылы сән әлемінде жаңа трендтер пайда болды. Енді киім тек әдемілік үшін емес, өзіндік мән-мағынасы бар болуы керек. Бұл жылда сәнгерлер жарқын түстер мен еркін силуэттерді ұсынады. Неге біз енді мінсіздікке ұмтылмаймыз және подиумдағы трендтерді Астана мен Алматының көшелеріне қалай бейімдеуге болады?

Бұл туралы Infohub.kz ақпарат агенттігі хабарлайды.

"Идеалдық" дәуірінің соңы

Бұрын киімді "әдемі ме, жоқ па" деп бағаласақ, қазір оның мәні маңыздырақ. Астаналық стилист Дара Сатжанның айтуынша, адамдар әлеуметтік желілердегі мінсіз бейнелерден шаршаған.

"2026 жылы сән сыртқы эстетикадан ішкі мәнге ауысады, бірақ әдеміліктен бас тартпайды. Әдемілік - мақсат емес, тек өзіндік пікір білдірудің бір түрі. Егер бұрын бейне "ұнайды/ұнамайды" деңгейінде бағаланса, қазір киім жеке тұлғаның жалғасы болып табылады", - деді ол.

Түстердің қайта оралуы

2026 жылы сән әлемінде түстер басты орынға шығады. Стилисттің айтуынша, ұзақ уақыт бойы тыныш түстерден кейін, сән эмоционалдыққа бет бұрады.

"Түстер қайтадан басты орынға шығып, бейненің көңіл-күйін қалыптастырады. Сақтықпен үйлескен түстердің орнына батыл, қанық дуэттер мен көп түсті композициялар келеді", - деп түсіндірді ол.

Фактуралар мен стильдердің араласуы

Дараның айтуынша, бүгінгі сәнде батылдық тек түстермен ғана емес, фактуралармен де көрінеді. Дизайнерлер бір текстураның үстемдігінен бас тартып, әртүрлі материалдарды үйлестіреді.

"Дизайнерлер қазір әртүрлі материалдарды үйлестіруде: мех, кружево, былғары және трикотаж бір-бірімен тамаша үйлеседі. Мұндай контрасттар визуалды қызықты және ойластырылған бейнелер жасайды", - деп атап өтті стилист.

2026 жылдың must-have заттары

Жеке стилист Алина Тогизбаева 2026 жылы назар аударуға тұрарлық бірнеше заттарды атады. Олардың кейбірі жеке стильге үйлесуі мүмкін.

"Гусарлық жакет, шығыс түймелері бар жакеттер, жіңішке жібек көйлектер, barrel leg джинсы және орта ұзындықтағы юбкалар - осы заттар 2026 жылдың сәнінде маңызды орын алады", - деп бөлісті Алина.

Аксессуарлар - жаңа орталық

2026 жылы аксессуарлар бейненің негізгі элементіне айналады. Олар бейненің көңіл-күйін қалыптастырып, оны толықтырады.

"Аксессуарлар бейнені толықтырып қана қоймай, оны қалыптастырады. Үлкен көзілдіріктер, XXL сөмкелер, мех шарфтар мен кең белдіктер трендте", - деді стилист.