InfoHub Logo

Талай жылдан бері жұртшылық біле бермейтін тарихи фотоны Мұстафа Өзтүріктің қызы Несихан Өзтүрік әлеуметтік желіде бөлісті. Бұл сурет 1986 жылы Германияда түсірілген және оның жанында белгілі тұлға Дәлелхан аға болған.

Бұл туралы Infohub.kz ақпарат агенттігі хабарлайды.

Несиханның айтуынша, соңғы күндері бұл суретті оған көптеген адам жіберген. Сол кезде өзі небәрі 2 жаста болғанын да атап өткен. «Осы керемет суретті маған жіберген әрбір жанға алғысым шексіз», - деп жазды ол.

Мұстафа Өзтүрік: Қазақ таеквондосының дамуына үлес қосқан тұлға

Мұстафа Өзтүрік – қазақ спорт тарихында өшпес із қалдырған тұлға. 1954 жылы Түркияда дүниеге келген ол, шын есімі Мұстафа Кәбенұлы Әбдірахман. Жастық шағында білім мен спортқа ерекше қызығушылық танытқан ол, халықаралық журналистика мамандығын игергеннен кейін таеквондомен айналыса бастады.

Таеквондодан алты мәрте әлем чемпионы атанған Мұстафа Өзтүрік, қара белбеудің 6-дан дәрежесіне жетті. Түркия мен Германияда таеквондо мектептерін ашып, көптеген шәкірт тәрбиеледі. Қазақстан тәуелсіздік алғаннан кейін Отанына оралып, таеквондоның дамуына зор үлес қосты. Алматыда таеквондо мектебін құрып, Қазақстан таеквондо федерациясының негізін қалаушылардың бірі болды.

Өкінішке қарай, Мұстафа Өзтүрік 1995 жылы Алматыда 40 жасында өмірден озды. Бүгінде оның есімі ел жадында сақталып, Алматыда көше атауы беріліп, ескерткіш орнатылған.