InfoHub Logo

Арманның ажарында, бақыттың базарында күліп-ойнап, көпшіліктің алғысы мен құрметіне бөленіңіз. Мәңгі жастық қалпыңызды сақтап, ұзақ жасай беріңіз.

Өмірден мол тәжірибе жинақтап, жас мамандарды тәрбиелеп, еңбек жолына бағыт беріп, бізге – ұстаз, ақылшы, көмекші болып отырсыз. Осы қалпыңыздан таймай, асулардан асып, берекеңіз тасып, ата жолынан айнымай, жұбайыңызбен бірге балаларыңыздың қызығын көріңіз.

Құтты болсын бүгін туған күніңіз,
Әріптестерге биік тұлға – ұстазсыз.
Қуанамыз өзіңізбен біз бүгін
Шықсын ылғи алдыңыздан ізгі күн.

Алғы күннен күтер әркім жақсы үміт,
Келе берсін Сізге ылғи бақ күліп.
Шаттықпенен көріп таңның арайын,
Жаратушы төксін игі жақсылық.

55 – мерейлі жас ер үшін,
Еңбегіңіз еселенсін ел үшін.
Әлі талай қызықтарға кенеліп,
Бұл өмірдің көріңіз тек жеңісін.

*** *** *** ***

Ел үшін еттің еңбек, аянбадың,
Сол жолдың бар бақытын баяндадың.
Жарқырап, ұл-қыздарың–жұлдыздарың,
55-ке аппақ Айдай аялдадың.

Қиындықпен күресетін бала үшін,
Аямаған ұрпағы үшін бар күшін.
Ұл мен қызы қол жеткізсе биікке,
Одан асқан бар ма бақыт әке үшін?!

Таси берсін, бақ дәулетің ырысың,
Ел таныған азаматтың бірісің.
Қуанышыңды ел-жұртыңа паш еткен,
Аман болсын бала-шаға – тынысың.

Бағың тасып, мал-дәулетің өрлесін,
Бір бақытты құдайым көп көрмесін,
Сізге деген сырлы жырды ақтардық,
Қуанышпен басып жүрек пернесін.

*** *** *** ***