InfoHub Logo

Алматыда ауа райы күрт жылынып, +15-20 градусқа жетсе де, пәтерлердегі жылуды өшірмегеніне қала тұрғындары наразылық білдіруде. Әлеуметтік желілерде адамдар бұл мәселеге қатысты жиі шағымданып, жазғытұрғынның ыстығында пәтердегі қызу батареяларға төзуге мәжбүр екенін айтуда.

Бұл туралы Infohub.kz ақпарат агенттігі хабарлайды.

Жылу беру маусымын аяқтау ережелері

Қазақстан Республикасының заңнамасына сәйкес, жылыту маусымының аяқталу мерзімі нақты белгіленген. Алматы облыстық мәслихатының 2024 жылғы 15 қазандағы № 27-145 шешімі бойынша, жылу беруді тоқтату тек ауа райының көрсеткіштеріне негізделеді. Егер бес күн қатарынан орташа тәуліктік ауа температурасы +10 градусқа жетіп, сондай деңгейде тұрақты сақталса, онда жылу беру маусымы аяқталады.

Аталған шарттар орындалғаннан кейін ғана жергілікті атқарушы орган ресми түрде жылу беруді тоқтату туралы шешім қабылдайды. Жылуды өшіру кезең-кезеңімен жүзеге асырылады: алдымен әкімшілік ғимараттар, содан кейін тұрғын үйлер, және тек соңында мектеп, балабақша, аурухана сияқты әлеуметтік нысандар жылудан ажыратылады.

Ресми жауап

Алматы қаласы әкімдігінің мәліметінше, жылу беру маусымының нақты аяқталатын күні қосымша хабарланатын болады. Бұл шешім ауа райының болжамы мен орташа температураның көрсеткіштеріне байланысты қабылданады.