InfoHub Logo

Ақтау қаласындағы 5А шағын ауданында, теңіз жағалауында, «Caruso» мейрамханасының қарсысында орналасқан металл будка жұртшылықтың назарын аударды. Бұл құрылыстың не мақсатта орнатылғаны белгісіз болып, қала тұрғындары арасында түрлі пікірлер тудырды.

Бұл туралы Infohub.kz ақпарат агенттігі хабарлайды.

Жергілікті тұрғындардың айтуынша, будкаға дейін соқпақ жол мен баспалдақтар салынған, бұл оның құрылыс нысаны болуы мүмкін деген болжамдарға жетеледі. Алайда, Ақтау қалалық әкімдігі бұл ақпаратты жоққа шығарды.

Әкімдіктің ресми жауабы

Ведомствоның хабарлауынша, бұл құрылыс ауқымды құрылыс немесе коммерциялық нысан емес. Теңіз жағалауында орналасқан металл контейнерді қыс мезгілінде киім ауыстыру және жеке заттарды сақтау үшін пайдаланатын қала тұрғындары орнатқан. Бұл нысан құрылыс алаңы болып саналмайды және ешқандай ғимарат салуды көздемейді.

Бұған дейін 14 шағын ауданда басталған құрылыс жұмыстары да тұрғындар арасында қызу талқылау тудырған болатын. Әлеуметтік желілерде Ресей Федерациясының консулдығы салынуы мүмкін деген ақпарат тараған еді. Алайда, Ақтау қалалық әкімдігі бұл жағдайды да түсіндірген болатын.