InfoHub Logo

Махаббаттың тілі жоқ демекші, Ақтауда әртүрлі елден, мәдениеттен келген жұптардың бір-бірін тауып, бақытты отбасын құрғандары талай. Бұл мақалада біз осындай ерекше махаббат хикаяларына тоқталамыз.

Бұл туралы Infohub.kz ақпарат агенттігі хабарлайды.

Мария мен Аринзе: Солтүстік Кипрден басталған махаббат

Мария мен Аринзе 2013 жылы Солтүстік Кипрде танысқан. Ақтаудан білім алуға келген Мария мен Нигериядан университетте оқуға келген Аринзе алғашқыда «ВКонтакте» желісі арқылы онлайн хабарласқан. Нақты кездесуден кейін олар бір-біріне деген ықыластарының тез арада романтикалық сезімге ұласқанын байқаған. 2023 жылдың қыркүйегінде жұп шаңырақ көтерді. Қазір Мария – 29, Аринзе – 31 жаста.

Аринзедің айтуынша, Кипрге келгенде қолында небәрі 50 доллары болған. Бірақ жастық шақтың жігері мен болашаққа деген амбициясы оны алға жетелеген.

Надежда мен Хитеш: Теңіз жағалауынан табылған махаббат

Надежда мен Хитеш Ақтаудың теңіз жағалауында кездескен. Сол кезде Надежда 18, Хитеш 26 жаста болған. Алғашқыда достар болып, бірге жүгіріп, бір-біріне қолдау көрсеткен жұп, жарты жылдан кейін арадағы сезімнің тереңдегенін сезінген. Хитештің жігерлі әрекеті Надежданы Америкадағы стажировкадан кейін Ақтауға қайтаруға себеп болған.

Бүгінде олар 19 жылдан бері некеде тұрып, үш бала тәрбиелеп отыр. Олардың қарым-қатынасының негізі – ағылшын тіліндегі әңгімелер мен өзара түсіністік.

Ихва мен Мирас: Instagram-дағы кездесу

Тайландтық Ихва мен қазақстандық Мирас Instagram желісінде танысқан. Ағылшын тілін бірге оқыған олар алғашқыда тек аудармашы арқылы сөйлессе, кейін арадағы сезімдері махаббатқа ұласқан. 2024 жылдың қазан айында Мирас Ихваға үйлену туралы ұсыныс жасап, оны Маңғыстауға алып келген. Қазір олардың бір баласы бар.

Ихваның айтуынша, Мирастың адалдығы мен қамқорлығы оны баурап алған. Ал Мирас үшін Ихваның харизмасы мен сыйластығы ерекше болған.