Ақтөбеде мектеп оқушысы туберкулезге шалдықты
Ақтөбеде 4 сынып оқушысынан құрт ауруы анықталды. Оқушылар түгел тексеруден өтіп жатыр.
«Орта мектеп оқушысынан құрт ауруы анықталуына байланысты манту сынамасы берілді. 2-11 сынып оқушылары рентгенге, флюорагрофияға түсіп жатыр. Бұл мектепте 1 мың бала оқиды десек, оның тең жартысы манту сынамасын алды. Сол жартысының 30 пайызында манту сынамасы істі. Ол оқушылар зертханалық тексеруден өтіп, фтизиатор дәрігерге қаралады», - деді № 4 Ақтөбе қалалық емханасының бөлім меңгерушісі Гүлбақыт Қоңырова.
Айта кетейік, мектеп мұғалімдері жаңа оқу жылына кіріспес бұрын медициналық тексеруден өткен. Ал мектепке санитарлық тазалық жұмысы жүргізілді.
ҚазАқпарат
You Might Also Like
-
Төменгі Сарытауқұмды мекен етіп келген Балташтың кәсібі — киіз үйдің үй ағашын жону еді. Оның колхозға барғысы келмей, кежегесі кейін тартты да тұрды. Тіпті жанында туған-туысқандарынан да еш...
