InfoHub Logo

Астанада LRT желісінің тіректеріндегі бояудың сырылып түскендігі әлеуметтік желіде көпшіліктің назарын аударды. Жоба әлі пайдалануға берілмегеніне қарамастан, мұндай көрініс тұрғындардың пікірталас тудырды.

Бұл туралы Infohub.kz ақпарат агенттігі хабарлайды.

Тұрғындардың пікірі

Әлеуметтік желіде тіректің сырылған бояуы туралы суреттер пайда болғаннан кейін, пікірлер екіге жарылды. Кейбіреулер бетонды бояудың қажеті жоқ десе, енді біреулері қорғаныш қабатынсыз бетонның ауа райының әсерінен тез бұзылатынын айтты. Сондай-ақ, тіректерге граффити салуды ұсынғандар да табылды.

Компанияның жауабы

City Transportation Systems (CTS) компаниясынан хабарлағандай, тіректер тек бір рет боялған. Қысқы кезеңде бояу жұмыстары тоқтатылған, ал жылы ауа райы басталғанда жұмыстар аяқталатын болады.

Айта кетейік, 2025 жылдың жазында LRT құрылысы кезінде бояу шашырап, 60-қа жуық көлікке зақым келтірген болатын. Мердігерлер бұл жағдайды желдің күшімен байланыстырған.

Астана әкімі Жеңіс Қасымбектің айтуынша, LRT желісі алдағы апталарда іске қосылады деп жоспарлануда.