InfoHub Logo

Астана мен Алматы қалаларында 2, 3 және 4 сәуір күндері ауа райы қандай болатыны белгілі болды. Қазгидрометтің мәліметінше, елордада найзағайлы жаңбыр күтілсе, Алматыда күн райы қатты ысиды.

Бұл туралы Infohub.kz ақпарат агенттігі хабарлайды.

Астанадағы ауа райы болжамы

2 сәуір күні Астанада айнымалы бұлтты болып, жауын-шашынсыз өтеді. Шығыс бағыттағы жел 2-7 м/с жылдамдықпен соғады. Температура түнде 0...+2 градус жылы болса, күндіз +18...+20 градусқа дейін көтеріледі.

3 сәуір күні де жауын-шашын болмайды. Оңтүстік-шығыс желі 3-8 м/с жылдамдықпен еседі. Түнгі температура +2...+4 градус, ал күндіз +19...+21 градус болады.

4 сәуір күні айнымалы бұлтты болып, күндіз жаңбыр жауып, найзағай ойнайды. Оңтүстік-шығыстан соққан жел оңтүстік-батысқа ауысып, түнде 3-8 м/с, күндіз 9-14 м/с жылдамдықпен соғады. Түнгі температура +6...+8 градус, күндіз +20...+22 градусқа дейін жетеді.

Алматыдағы ауа райы болжамы

2 сәуір күні Алматыда айнымалы бұлтты болып, жауын-шашынсыз өтеді. Оңтүстік-шығыс желі 3-8 м/с жылдамдықпен соғады. Түнгі температура +12...+14 градус, күндіз +25...+27 градус болады.

3 сәуір күні де жауын-шашын болмайды. Оңтүстік-шығыс желі 3-8 м/с жылдамдықпен еседі. Түнгі температура +12...+14 градус, ал күндіз +26...+28 градусқа дейін көтеріледі.

4 сәуір күні ауа райы жауын-шашынсыз болады. Оңтүстік-шығыс желі 3-8 м/с жылдамдықпен соғады. Түнгі температура +13...+15 градус, күндіз +27...+29 градусқа дейін жетеді.

Қазақстанды найзағайлы жаңбырлар жауады

Бұған дейін синоптиктер Қазақстанның алдағы үш күндік ауа райы туралы хабарлаған болатын. Болжам бойынша, аптаның басында Қазақстанның солтүстік, шығыс және оңтүстік-шығыс өңірлерінде жылы көктемгі ауа райы сақталады. Батыс облыстарға оңтүстік циклон әсер етеді, бұл сол аймақтарда және шығысқа қарай жылжығанда солтүстік, орталық, оңтүстік облыстарда тұрақсыз ауа райына (қатты жаңбыр мен найзағай) себеп болады.