Асхат Аймағамбетов: Қазақстан ЖОО дипломдары барлық елде мойындалған
ҚР Білім және ғылым министрі Асхат Аймағамбетов ресейлік жоғары оқу орындарымен арада болып жатқан келіссөздер туралы айтты.
Оның айтуынша, жалпы Қазақстан түрлі елдердегі бірқатар жоғары оқу орындарымен келіссөздер қарастырады. Сонымен қатар, Мәскеу инженерлік-физикалық институты, Н.Э.Бауман атындағы Мәскеу мемлекеттік техникалық университеті, И.М.Губкин атындағы Ресей мемлекеттік мұнай және газ университеті өкілдерімен келіссөздер жүргізіліп жатыр.
«Себебі университеттер өздерінің ұйымдастыру мәселелерін шешіп алуы керек. Бұл жағдайда ЖОО құрамында олардың филиалдарын ашу мәселесі қарастырылып отыр. МИФИ өз кезегінде ҚазҰУ-мен келіссөз жүргізіп жатыр» - деді министр Мәжілісте тілшілер сауалына жауап бере отырып.
Оның айтуынша, осындай форматта студенттер екі диплом ала алады.
«Онда әртүрлі тректер болады. Осы жағдайда олар біздің жоғары оқу орындарымен жұмыс істеген кезде екі дипломды алу мүмкіндігі пысықталып жатыр. Қазіргі кезде бізде екі жүзден астам білім беру бағдарламасы бар», - деді А. Аймағамбетов.
«Қазақстан дипломдары барлық елде мойындалған. Елімізде бакалавриат алып, Еуропаға, Ұлыбританияға барып магистратураға оқуға баруға болады», - деді ведомство басшысы.
You Might Also Like
-
Әл-Фараби атындағы Қазақ Ұлттық Университеті, Философия және саясаттану факультеті, Дінтану және мәдениеттану кафедрасы Өндірістік тәжірибе жетекшісі: Есболова М.А. Набиева Назира Ержанқызы 4 ку...
-
Жалпы, мамандық дегеніміз-әрбір адамның өмір жолындағы таңдауы, өзінің сүйікті ісінің әрі қарай дамуына үлес қосуға арналған белігілі бір сала түрі. Мамандық-адам өміріндегі ең маңызды қадамдардың ...
