InfoHub Logo

Ересек топтарға арналған ұйымдастырылған оқу іс - әрекетінің технологиялық картасы
Білім саласы: Қатынас
Білім бөлімі: Тіл дамыту
Тақырыбы: Егіншілік еңбегі
Мақсаты:Балаларды егіншілер еңбегімен таныстыру. Диқаншылардың еңбегі жайлы әңгімелеу. Еңбек құдіретін түсіндіру.
Білімділігі: Балалардың күз туралы түсініктерін кеңейтіп күз мезгілінің ерекшелігін бақылап, өлеңді жаттау.
Дамытушылығы: Балалардың ойлау қабілеттерін дамытып, жаңа сөздердің мағынасын түсіндіру.
Тәрбиелілігі: Табиғатты аялауға, әсемдікті көре білуге, тиым сөздерді естен шығармауға, мәдениеттілікке, еңбек сүйгіштікке тәрбиелеу.
Көрнекілігі: Күз мезгілінің суреті, егіс алқабының суреті, ыдысқа салынған нан, тәтті нан, ұн, бидай.

Ұйымдастырушы - қозғаушы қызмет:
Балаларды шаттық шеңберге тұрғызып, келген қонақтармен сәлемдесіп, бір - біріне деген жылы лебіздерін білдірту.
Армысың алтын күн,
Армысың асыл жер,
Армысың көк аспан,
Армысың жан досым,
Жылуыма жылу қос,
Міне менің қолым бос.
Тәрбиеші:
- Балалар, мен сендерге сұрақ қойғым келіп тұр. Сендер мұқият тыңдап, дұрыс жауабын тауып көріңдерші?
Астық пісіп, орақ түсіп,
Қырман дәнге толады.
Балаларым айтыңдаршы,
Бұл қай кезде болады?
Балалар:
- Күзде.
Тәрбиеші:
- Қазір жылдың қай мезгілі?
- Күз мезгілі.
Тәрбиеші:
- Күзде қандай табиғат құбылыстары болады?
Бала: Күн суытады, жел тұрады, жаңбыр жауады.
Тәрбиеші:
- Күз мезгілінде неше ай бар?
Бала:Күз мезгілінде 3 ай бар. Қыркүйек, қазан, қараша айлары.
Тәрбиеші: Күз мезгіліне байланысты қандай өлең - шумақтар білесіңдер?
1 - бала:
Көк майсалы көрікті,
Алқаптағы бұл егін.
Бұл күндері киіпті,
Сары жібек көйлегін.
2 - бала:
Жайдарлы күз, жарқын күз,
Аяулы күз, алтын күз.
Дәнге толы ел дала,
Дариядай шалқар күз!

Ұйымдастырушы - ізденушілік қызмет:
Тәрбиеші:
- Бүгін біздің өтетін тақырыбымыз «Егіншілер еңбегі». Біздің мақсатымыз егіншілік еңбегімен танысу.
Ендеше біз бүгін егістік алқабына саяхат жасаймыз. Диқаншы атаның еңбегімен жақсылап танысамыз. Сергіту сәтін жасап, көңілімізді көтеріп, диқаншы атаның егістік алқабына барайықшы.
Сергіту сәті:
Жел улейді у - у - у - у,
Құйын келіп билейді зу - зу - зу.
Қатты - қатты жел соқты гу - гу - гу,
Жапырақтар қол соқты ду - ду - ду.

Тәрбиеші:
- Міне, егістік алқабына да келіп жеттік.
- Мынау егістік алқабы. Мұнда диқаншылар егін егеді. Егін егетін адамды - диқаншы деп атаймыз. Міне диқаншы ата да жүр екен.
- Саламатсыз ба, диқаншы ата?
- Диқаншы ата, балалар сіздің еңбегіңізбен танысу үшін келді. Егістегі атқаратын қызметіңізді балаларға таныстырып, көрсетіп жіберіңізші?
Диқаншы ата:
- Диқанның еңбегі - ауыр еңбек. Мен ерте көктемде жерді жыртып, бидайдың тұқымын себемін. Жаз бойы сепкен бидай тұқымын күтіп - баптаймын. Құстардан, құрт - құмырсқалардан қорғап жүремін. Бидай алқабы суғарылмайды. Ол тек жаңбыр суымен өседі. Міне қараңдаршы бидай алқабы. Үлкен еңбек етудің арқасында, осындай сары алтындай сары бидай күзде пісіп жетіледі.
Бидай: