InfoHub Logo

Әнші әрі продюсер Мөлдір Мұқанованы өмірінде күтпеген сыйлық таң қалдырды. Оған бейтаныс азамат жаңа автокөлік тарту етті. Бұл жаңалықты өнер иесі Instagram парақшасында бөлісіп, жұртшылықты елең еткізді.

Бұл туралы Infohub.kz ақпарат агенттігі хабарлайды.

Күтпеген тосын сый

Мөлдір Мұқанованың айтуынша, бұрынғы көлігін балаларына берген соң, біраз уақыт бойы жаяу жүрген. Сол кезде Айгүл есімді азаматша оған төрт дөңгелекті сүйіктісін сыйлап, таңдайын қақтырды. Әншінің қуаныштан көзіне жас алғаны бейнежазбадан көрінеді.

«Түскі ас кезінде таныстық»

Мөлдір мен көлік сыйлаған Айгүл ханым сол күні, тіпті түскі ас уақытында танысқан. «Кең болсаң кем болмайсың» деген қазақ мақалына сілтеме жасаған әнші, бейтаныс жанның жомарттығына ризашылығын білдірді.

Ниеті түзу жанға жолығасың

Әнші өзінің жазбасында адамның ниеті таза болса, жолында да сондай ақжүрек жандар кездесетінін атап өтті. «Алла адамға айтпай сынақ қана бермейді, айтпай сыйлық та береді. Ниетің қандай түзу болса жолыңа да тілектес, ниеттес адамдар жолығады», – деп жазды Мөлдір Мұқанова.

Өнер иесі Айгүл ханымға алғысын айтып, «Көркің де, көлігің де, өмірің де тозбасын» деп тілек білдірді. Сондай-ақ, қазақ халқының бай болуын, бір-біріне сай болуын тілеп, «Дөңгеленген дүниеде көліктеріңнің дөңгелегі айнала берсін құрбым!» деп сөзін қорытындылады.