InfoHub Logo

Сабақтың тақырыбы: Геометриялық пішіндер: дөңгелек, шаршы, үшбұрышпен таныстыру.
Сабақтың мақсаты: Балалардың математика бойынша дидактикалық ойындар сабағына қызығушылығын арттыру. Балалардың сөздік қорларын молайту. Дидактикалық ойындар арқылы ой - өрісін, ойлау қабілетін дамыту, тіл байлығын жетілдіру.
Көрнекіліктер: Геометриялық пішіндер: дөңгелек, шаршы, үшбұрыштар. Сағат, кітап, ойыншықтар т. б. таратылып берілетін материалдар
Әдіс - тәсілдер: Түсіндіру, сұрақ - жауап, көрсету.

Сабақ барысы: Балаларды сабаққа ұйымдастыру.
- Кел, балалар, ортаға,
Үлкен шеңбер құрайық!
Тәрбиеші: Жылулық шаттық шеңберіне шақыру.
Қайырлы таң, Алтын күн!
Қайырлы таң, Көк аспан!
Қайырлы таң, Жер Ана!
Қайырлы таң, қонақтар!
Қайырлы таң, достарым!

Қолымыздан ұстап жылулықты алайық! Құрметті қонақтар қош келіпсіздер.
Бүгін бізде ерекше сабақ, көптеген қонақтар келген екен.
Кәне, математика бойынша дидактикалық ойындар сабағынан не білетінімізді қонаққа келген апайларға көрсетейік.
Тәрбиеші: Қар, мұз еріп, су көбейіп,
Сай - салаға толады.
Бүршік шашып, жапырақ ашып,
Жер, гүл шашақ тағады.
Айтыңдаршы, балалар,
Бұл қай кезде болады?