InfoHub Logo

Мемлекет басшысы Қасым-Жомарт Тоқаев ғылым саласындағы қаржыны игерудегі жайбарақаттықты және жемқорлықты қатты сынға алды. Оның айтуынша, жыл сайын ғылымға 200 миллиард теңгеден астам қаржы бөлінсе де, нақты нәтижелер көрінбейді.

Бұл туралы Infohub.kz ақпарат агенттігі хабарлайды.

Ғылым қорының жұмысы сын темірді терсетті

Президенттің сөзінше, Бас прокуратура салалық министрліктер мен Ғылым қорында ауқымды қаржылық заңбұзушылықтарды анықтаған. Грант алушыларды аккредиттеуден бастап, қаржыландыру процесінің барлық кезеңінде кемшіліктер орын алған. Тоқаев ғылым мен жемқорлықты қарама-қарсы ұғымдар деп атап, мемлекет қаржысын жымқыруға ешқандай кедергі жоқ екенін айтты.

Жобалардың коммерциялануындағы алшақтық

Мемлекет басшысы Жоғары білім министрлігінің жұмысына да қатысты сын айтты. Инновацияны ынталандыруға арналған Ғылым қорына жаңа құзыреттер берілгенімен, нәтиже жоқ. Мыңнан астам қолданбалы ғылыми жобаның тек 193-і ғана коммерцияландыруға лайық деп танылып, нарыққа бар-жоғы 29 жоба шыққан. Бұл индустрияға әсері мен қайтарымы өте аз екенін көрсетті.

Заң мен тәртіп бәріне ортақ

Президент ғылыми әзірлемелердің нақты пайда әкелуі керектігін баса айтты. Ол ғылыми қоғамдастықтың абыройына нұқсан келтіретін жағымсыз жайттарға тосқауыл қою қажеттігін атап өтті. Конституциядағы Заң мен тәртіп қағидаты ғылым қайраткерлеріне де қатысты екенін ескертті. Құқық қорғау органдары грант ретінде алынған ақшаның Ғылым қоры қызметкерлеріне аударылғанын анықтап, 11 қылмыстық іс қозғалған.

Тоқаев барлық ғылыми әзірлемелердің қолданбалы мәнге ие болып, экономиканың нақты секторларына енгізілуі керектігін айтты. Сәтсіздіктерден сабақ алып, шындықты бұрмаламай, нақты істерге басымдық беру қажеттігін жеткізді.