InfoHub Logo

Тақырыбы: Ы. Алтынсарин «Қазақ хрестоматиясы» оқулығы (слайдымен)
Мақсаты:
1. Ы. Алтынсариннің ағартушы - педагог, қоғам қайраткері қызметіндегі рөлін көрсету. «Қазақ хрестоматиясы» оқулығының маңызын, оқулыққа енген шығармаларының мәнін меңгерту.
2. Теориялық білімдерін дамыту арқылы шығармашылық ізденіске баулу. Эстетикалық, экологиялық, адамгершілік тәрбиеге баулу.
3. Өзіндік ойын еркін айта алатын қолайлы орта туғызу. Оқушылардың шығармашылықпен жұмыс жасауына ықпал ету. Ойлау шеберлігін, сөйлеу мәдениетін жетілдіру.

Сабақтың түрі: ізденіс - талдау сабағы
Әдіс - тәсілдері: сұрақ - жауап, талдау, топтық жұмыс, бес жолдық өлең, арнау хат

Күтілетін нәтиже:
1. Ыбырай шығармашылығы, «Қазақ хрестоматиясы» оқулығы туралы білімдерін кеңейтеді. Мәліметтер алады.
2. Өлеңдері мен әңгімелеріне талдау жасайды.
3. Өзіндік ойларын ашық, анық жеткізе алады.

Сабақтың барысы:
І. Ұйымдастыру.
Сыныпты геометриялық фигуралар арқылы топқа бөлу. Топ басшысын сайлау. /Бағалау парақтарын тарату/. Бір - біріне тілектер айту.
ІІ. Үй жұмысын тексеру.
- Ы. Алтынсариннің «Атымтай жомарт», «Мейірімді бала» әңгімелері.
/Семантикалық картамен жұмыс/
ІІІ. Жаңа сабақ.
Жаңа сабақтың мақсатын айту

І. Қызығушылықты ояту
Ой қозғау
«Қазақ хрестоматиясы» оқулығы туралы не білесіздер?
Бүгінгі сабақта «Қазақ хрестоматиясына» енген өлеңдері мен әңгімелеріне және аудармаларына тоқталмақпыз.
Мәтінмен жұмыс. І. Ақын шығармаларына талдау жасау
І топ. Ақынның өлеңдері
«Өнер - білім бар жұрттар» өлеңі.
Тапсырма.
1. Өлеңді жатқа айт.
«Өзен» өлеңі
Тапсырма.
1. Өлеңді мәнерлеп оқы.
2. Өлеңді талда.
Мәтінмен жұмыс.
ІІ топ. Жазушының әңгімелері
«Таза бұлақ» әңгімесі
Тапсырма.
1. Әңгімені қысқаша мазмұнда.
2. Мәтіндегі үш жолаушының пікіріне және тастың су ағар жеріне жазылған
жазуға өз пікірің қандай?

«Әке мен бала» әңгімесі.
Тапсырма.
1. Әңгімені қысқаша мазмұнда.
2. Әңгімені талда.

Мәтінмен жұмыс.
ІІІ топ. Аудармалары

«Жаман жолдас» аудармасы
Тапсырма.
1. Қысқаша мазмұнда.
2. Мәтін мазмұнына сай қандай мақал - мәтелдерді білесіңдер?
«Бір уыс мақта» аудармасы
Тапсырма.
1. Қысқаша мазмұнда.
2. Әңгімені талда.
/Бейне ақпарат көрсету/

Қорытынды.
Бес жолдық өлең
Арнау хат
Бағалау.
Үйге тапсырма: 1/ Ғ. Қайырбеков «Дала қоңырауы» дастаны
2/«Даланың дауылпаз қоңырауы» тақырыбында шығарма жазу