InfoHub Logo

Белгілі әзілкеш, «Өнер қырандары» театрының белді мүшесі Жанболат Найзабеков пен оның жарының туған күні ерекше мерекеге айналды. Тойға жиналған қауымды қуантқан сәттердің бірі – актердің балаларының әкелеріне арнаған тартуы болды.

Бұл туралы Infohub.kz ақпарат агенттігі хабарлайды.

Әкесінің туған күніне орай, балалары жүрекжарды тілектерін айтып, әкесін толқытты. Жанболат Найзабековтің көзіне жас алғаны соншалықты, ол бір сәт өзін ұстай алмай, жылап жіберді. Алайда, бұл сезім көпке созылмады.

Әкесінің өнерін жалғаған ұл-қыздар

Көп ұзамай, отбасының ең кішкентай мүшелері сахнаға шығып, әкелеріне арнап әзілдерін көрсетті. Олар әкесінен үйренген өнерлерін көрсетіп, жиналғандарды күлкіге қарық қылды. Бұл көрініс той иесін ғана емес, барлық қонақтарды бірдей қуанышқа бөледі.

Бұл ерекше сәт әлеуметтік желіде де көпшіліктің назарын аударып, пікір қалдырушылар актердің балаларының өнеріне тәнті болғандарын білдірді. «Әкесі сияқты ұл-қыздары да жылатып тұрып күлдіреді екен», «Өнерлері әкесінен асып кетіпті», «Аман болсын балапандар» деген сияқты пікірлер жазылды.