Жанжал неден шығады?
Бір күні хан мен Қожа әңгімелесіп отырғанда хан:
— Мен осы жұртқа қайран болам: қашан көрсең бірімен-бірі ұрысып, жанжалдасып, төбелесіп жатады. Сіз айтыңызшы: осы жанжал қайдан, неден шығады? — деп сұрады.
— Адам байқамай бірін-бірі «ақымақ» деп айтып қалады. Жанжал осыдан шығады, — деді Қожа.
— Не болса соны айтады екенсіз, содан да жанжал шыға ма? — дейді хан.
— Ақымақсың! — дейді Қожа. Хан ашуланып қаһарына мінеді.
— Сен ақымақ!
— Міне, тақсыр, айтқаным келді, — деді Қожа.
You Might Also Like
-
Ақсақ Темір, оның уәзірі, Қожанасыр — үшеуі аңға шығады. Шаршаған кезде Темір шекпенін шешіп, Қожаға береді. Кейін оның уәзірі де солай етеді. Темір әзілдеп:
-
1. Өзіңізге жауапкершілік артпаңыз. Себебі, сіз жақын жандарыңыздан өзге ешкімге керек емессіз! Иә, құлаққа түрпідей қадалса да, ащы шындық. Тіпті, ерекше құрмет танытып жүрген "бағалыларыңызд...
