Жер тұрғындары 2022 жылы жұлдыздың пайда болуын өз көздерімен көре алады
Жер шарының тұрғындары 2022 жылы аспанда жаңа жұлдыздың пайда болуын өз көздерімен көре алады.
Бұл туралы Times басылымы америкалық астроном Ларри Молнардың зерттеуінің нәтижесіне сүйеніп хабарлады.
Аспанның жарық денесі екі жұлдыздың соқтығысуы нәтижесінде біздің заманымыздың үшінші ғасырында пайда болған екен және ол KIC 9832227 ортақ кодымен жұлдызды аспан картасына енгізілген. Бірақ оның жарқылы Жер шарына 1,8 мың жыл бойы жеткен.
Жаңа жұлдыз Аққу жұлдыздар тобында аздаған уақытқа ғана пайда болады. Соқтығысудан болатын жарқылдың қуатты болатыны соншалық, ол бірнеше күнге түнгі аспандағы ең жарық нысандардың бірі болуы мүмкін.
Астрономның бағалауынша, Жер тұрғындары оқиғаны 2022 жылы бақылай алады, дегенмен, есептеулерде бірнеше жылға қате кетуі ықтимал. Егер Молнардың болжамы орындалса, ғалым жұлдыздардың соқтығысуын оның жарығы Жерге жетпей тұрып, алдын ала болжаған тарихтағы тұңғыш астроном болады.
You Might Also Like
-
Тараз мемлекеттік педагогикалық институтында «Баласағұн кітапханасы» сериясы бойынша бірнеше жаңа кітап жарық көрді.
-
Жақын арада студенттердің қысқы демалыстан кейінгі оқу маусымы басталады. Жаңа заңнамаға сәйкес, осы санаттағы азаматтар да уақытша тіркеуге тұруы қажет.
