InfoHub Logo

Сабақтың тақырыбы: Жыл құстары.
Сабақтың мақсаты:
1. Білімділік: Құстар тіршілігі, табиғатқа келтіретін пайдасы туралы түсініктерін қалыптастыру.
2. Дамытушылық: Дәптердегі тапсырмаларды орындату арқылы өз бетімен жұмыс жасауға баулу.
3. Тәрбиелік: Қыстап қалатын құстарға қамқорлық жасауға тәрбиелеу.
Сабақтың әдіс - тәсілі: сұрақ - жауап, түсіндіру, әңгімелеу.
Көрнекілік: Жыл құстарының суреттері, плакаттар.
Сөздік жұмыс: жыл құстары, қыстап қалатын құстар.

Оқу іс - әрекетінің барысы:
I. Ұйымдастыру:
Шаттық шеңбері:
Амансың ба, Алтын күн!
Амансың ба, Көк аспан!
Амансың ба, Жер Ана!
Амансың ба, достарым
Сізді көрсем қуанам.
Үлкен де сіз,
Кіші де сіз
Баршаңызды құрметтеп бас иеміз біз.

Кіріспе бөлім;
- Қазір жылдың қай мезгілі?
- Күз мезгілі неше айдан тұрады?
- Күз мезгілінде табиғатта қандай өзгерістер болады?
Үнтаспадан құстардың сайраған дауыстарын тыңдату.
- Балалар, үнтаспадан ненің дауысын естідіңдер?

Негізгі бөлім.
Жұмбақ жасыру.
1. Құйқылжытып дала күйін,
Үй ішіне салады үйін. (Қарлығаш)
2. Тұмсығы қашау, кәсібі – ұя жасау.
Ағашты қорғап, зиянкестерді асау. (Тоқылдақ)
3. Қыстағы ақ - мамыққа, жалғау жалға жалықпа!
Сонда құс болып шығады анықта?! (Қарға)
* Әңгімелеу.
Жыл құстары және қыстап қалатын құстар туралы әңгімелеу:
- Күннің суытып, жәндіктердің көпшілігі қырылып қалады, кейбір жәндіктер ағаштардың қуыстарына тығылады. Осылайша құстардың жемі азаяды. Өзен - көлдерде су қатып қалады. Осыған байланысты құстар жылы жаққа ұшып кетеді.

Сергіту сәті.
Қане қанат қағайық,
Қарлығаш боп ұшайық.
Ұшып - ұшып алайық
Орнымызға қонайық.
Қарлығаш боп ұшайық.
Торғай болып қонайық.
Сауысқан боп секіріп
Тоқылдақ боп шоқыйық.

Дәптермен жұмыс.
Суреттен өзіңе таныс құстарды атау. (Үкі, бүркіт, үйрек, аққу, тырна) Осы құстар туралы мағлұмат беру.
Тоқылдақ – орман құсы. Қыстап қалатын құстар тобына жатады. Тоқылдақты «орман дәрігері» деп атайды, өйткені ол ағаш қуысына тығылып, ағаштың діңін жеп жатқан зиянкес құрттармен қоректенеді. Сөйтіп орман ағаштарын емдейді.

Сергіту сәті.
Орнымыздан тұрайық,
Құстай қанат қағайық.
Бір отырып, бір тұрып,
Сәл тынығып алайық.
Балалардың құстар туралы қандай мағлұмат білетіндерін туралы сұрау

Қорытындылау:
Сабақта алған білімдерін пысықтауға арналған сұрақтар:
1. Өзің білетін жыл құстарын ата.
2. Құстар немен қоректенеді?
3. Құстар немен қоректенеді?
4. Құстар, табиғатқа, адамға қандай пайдасын тигізеді?
Балалардың жауаптары тыңдалады.
Мадақтау: Белсенді қатысқан балаларға бейбітшілік символы көгершін құсын үлестіру.
Жыл құстары. жүктеу