InfoHub Logo

Нағима Есқалиева Роза Рымбаеваға не деді?

Қазақ эстрадасының жарық жұлдызы Нағима Есқалиева Роза Рымбаеваның сахнадан кету туралы шешіміне қатысты пікір білдірді. Бұл жаңалық әншінің жанкүйерлерін ғана емес, әріптестерін де алаңдатты.

Бұл туралы Infohub.kz ақпарат агенттігі хабарлайды.

Журналист Тимур Балымбетовтың сұхбатында Нағима ханым Роза Қуанышқызының сахнадан кету туралы жиі айтуына таңданысын жасырмады.

Не себеп?

«Жынды ма ол? Ол қайда кетпекші? Пугачеваның өзі жүз рет кетіп, жүз рет келген. Ол немересімен ұзаққа отыра алмайды. Ол сахнасыз өмір сүре алмайды. Бұл оның өмірі», - деді Нағима Есқалиева.

Нағима Есқалиева Роза Рымбаеваны ұстаздық қызметке шақырғанын айтты. Алайда, Роза Қуанышқызы бұл ұсыныстан бас тартқан.

«Мен оны қаншама мәрте ұстаздық етуге шақырғам. Бірақ ол келіспеді. Ол біздің академияда ұстаздық етсе, біраз студенттің бағын ашар еді. Өте керемет педагог болатын еді», - деп атап өтті Нағима ханым.

Роза Рымбаеваның сахнадағы 50 жылдығы

Биыл Роза Рымбаева өнердегі 50 жылдығына орай үлкен концерт беруді жоспарлап отыр. Әншінің айтуынша, бұл кеш оның сахнадағы соңғы концерті болуы мүмкін.