Керуеншілер
Ерте уақытта Қызыларай маңында ұн тапшы болыпты. Сол уақытта бұл өңірдің адамдары Алатаудан ұн тасыса керек. Сондай бір жолы «ақ малға» барғандар олжалы қайтып келе жатады. Сол Алатау төңірегін бірнеше керуеншілер түнеп жатады екен. Сонда керуеншілер Алатаудың асқар биік шыңдарын, оның төбесінен мәңгі қар кетпейтіндігін мақтайды. Сонда керуеншілердің бірі тұрып:
— Түу, Алатауды да тау дейсіңдер ма? Бізде Қызыларай деген тау бар. Мұның жанында төбеге де тұрмайды, — деп, — бірде сонда жылқымды жоғалттым. Сол кезде Қызыларай тауының төбесіне шықтым да, төбедегі жұлдыздарды құрықпен сермеп қалып едім, жұлдыздар жерге саудырап түсіп жатты, — деп аңқау халықты сендірген екен.
You Might Also Like
-
Ертеректе құда-жекжаттардың арасында өзара қарым-қатынас қарыштап тұрған кезде Көктеубай деген ақсақал артынып-тартынып, алыстағы құдасын іздеп барады. Көп жыл көріспеген жекжатына жеткен соң сағын...
-
Шиелі ауданы (Қызылорда облысы) Коммунизм колхозының активтері Нүркеев Сыздық, Шайық Ықанов, Әнуар Маманов Қаратауды жайлаған колхоз малын аралап жүріп, сол өңірді қоныстанып отырған Қоңыраттың Жәу...
