InfoHub Logo

Көршілеріңіздің темекі шегуінен немесе ішімдік ішуінен шаршадыңыз ба? Енді бұл жағдайға шара қолданылуы мүмкін. Қазақстанда қоғамдық орындарда, соның ішінде кіреберістер мен балкондарда темекі шегуге және алкоголь ішуге тыйым салынған. Бұл ережелерді бұзғандарға айыппұл төлеуге тура келеді.

Бұл туралы Infohub.kz ақпарат агенттігі хабарлайды.

Қоғамдық орындардағы темекі шегу

Заң бойынша, көпқабатты үйлердің кіреберістері, баспалдақтары мен лифтілері темекі шегуге арналмаған. Тіпті қысқа уақыт темекі тұтату да әкімшілік құқық бұзушылық болып саналады. Қоғамдық орындарда темекі шеккені үшін 15 АЕК (айлық есептік көрсеткіш) көлемінде айыппұл салынады. Бұл шамамен 64 875 теңгеге тең. Егер бұл әрекет қайталанса, айыппұл 20 АЕК-ке дейін, яғни 86 500 теңгеге дейін өсуі мүмкін.

Алкогольді ішімдіктерді тұтынуға тыйым салу

Сонымен қатар, кіреберістер, баспалдақ алаңдары мен аулалар алкогольді ішімдіктерді тұтынуға тыйым салынған қоғамдық орындар қатарына жатады. Мұндай құқық бұзушылық үшін 5 АЕК (21 625 теңге) айыппұл қарастырылған. Егер бұл әрекет қайталанса, бұзушыға 20 сағатқа дейін қоғамдық жұмыстар немесе 5 тәулікке дейін әкімшілік қамаққа алу жазасы тағайындалуы мүмкін.