InfoHub Logo

Қазақстанның Қызыл кітабына енген азиялық қабылан Маңғыстау облысында қайтадан байқалды. Бұл жабайы табиғаттың байлығын сақтаудың маңызды белгісі болып табылады.

Бұл туралы Infohub.kz ақпарат агенттігі хабарлайды.

Хищник 1 сәуір күні «Қызылсай» мемлекеттік өңірлік табиғи паркі аумағында көрінген. Парк директоры Мынберген Қаратауовтың айтуынша, ізші маман жануарды табиғи ортада бақылап, оны бейнекамераға түсіре алған.

«Қызылсай» паркі қабыланға мекен болып келеді

«Бұл жыртқыш соңғы рет 2025 жылдың шілде айында осы парк аумағында тіркелген болатын. Біраз уақыттан кейін жабайы жануардың қайтадан табылуы, оның «Қызылсай» аумағын тұрақты мекендей бастағанын көрсетеді. Бұл өз кезегінде табиғи экожүйенің тұрақтылығы мен қорғалатын аумақтың биологиялық әралуандығын сақтау деңгейінің жоғары екенін білдіреді», - деді Қаратауов.

Азиялық қабылан – ірі жыртқыш мысық. Оның денесінің ұзындығы (құйрығынсыз) 171 см-ге, құйрығының ұзындығы 106 см-ге, шоқтығының биіктігі 80 см-ге дейін, ал салмағы 90 кг-ға дейін жетеді. Оның басы үлкен, аяқтары қысқалау және құйрығы ұзын болады.

Негізгі қорегі – тұяқты жануарлар (Үстірт тау қойы, қарақұйрық).

Бұған дейін «Қызылсай» паркінің аңшы маманы бұл қабыланның Маңғыстау облысындағы жалғыз өкілі екенін айтқан болатын.

«Бұл – еркек қабылан екені анықталды. Ұрғашылары Түркіменстан аумағында мекендейді: ол мезгіл-мезгіл сол жаққа кетіп, Үстірт қорығы арқылы қайтып оралады. Әзірге Маңғыстауда фототұзақтармен тіркелген қабыланның барлық жағдайы осы бір жануарға тиесілі», - деп хабарлады маман.