Мен сараң адам емеспін
Қожекең бір күні аспазшыдан тамаққа тойып, ақшасын төлемей, кесесін қасығымен қойнына тығып ала кетіпті. Ертеңіне жанынан өтіп бара жатқанда аспазшы ұстап алып:
— Қожеке, кеше тамақтанып, ақшасын төлемей кетіпсіз, — дейді.
Қожекең сонда жауап беріп:
— Рас, тамақтандым, қарасам ақшам жоқ екен. «Осы бейшараның ақысы мойнымда қалмасын» деп кесе мен қасығыңызды базарға ала кетіп едім. Сатып ақшаңды алып келдім, міне, ақшаң, — депті. Ақшаны қалтасынан шығарып беріп жатып:
— Мен сараң, дүниеқор адам емеспін, аспазшы, біліп қой! — депті Қожекең.
You Might Also Like
-
Қожанасыр бір күні сабаққа келмей қалады. Ертеңіне оқытушысы Қожекеңді сұраққа алады.
-
Неге болса да қызғана беретін Қожанасырдың үйіне бір жолаушы келіп қоныпты. Қызғаншақ Қожанасыр жолаушыдан көзін алмай, «әлдене істеп жүрген адам» деген оймен таң атып үйінен кеткенше а...
