InfoHub Logo

Ирандағы саяси жағдайға байланысты мұнай бағасы күрт өсіп, баррелі 100 доллардан асты. Алайда, АҚШ президенті Дональд Трамптың «соғыс тез аяқталады» деген мәлімдемесінен кейін баға күрт құлады.

Бұл туралы Infohub.kz ақпарат агенттігі хабарлайды.

Ирандағы жағдайға байланысты мұнай бағасы 100 долларлық белгіден асып, АҚШ-та 50 пайызға өсіп, соңғы үш жылдағы ең жоғары көрсеткішке жетті. Бұл жағдай американдық инвесторларды алаңдатты. G7 елдері стратегиялық мұнай қорларын ашуға дайын екенін мәлімдеді.

Трамптың мәлімдемесі

Осы кезде АҚШ президенті Дональд Трамп Иранмен соғыстың тез аяқталатынын айтты. «Менің ойымша, соғыс аяқталды. Олардың флоты да, әуе күштері де жоқ», - деді Трамп. Ол сондай-ақ Вашингтонның Иранды «абсолютті жеңуге» бел буғанын атап өтті.

Ресейге қатысты санкциялар

Сонымен қатар, АҚШ Ресейге қарсы мұнай санкцияларын жеңілдетуді қарастырып жатыр. Бұл туралы Reuters агенттігі дереккөздерге сілтеме жасап хабарлады. Мұндай қадам әлемдік энергетикалық бағаның өсуін тежеуге бағытталған.

Бұған дейін АҚШ Қаржы министрі Скотт Бессент Ресейге қатысты санкциялардың жеңілдетілуі мүмкін екенін айтқан болатын.

Иранның жауабы

Иран Сыртқы істер министрі Аббас Арагчи АҚШ-тағы экономикалық қиындықтарға Израиль мен Вашингтондағы ізбасарлары кінәлі екенін мәлімдеді. Оның айтуынша, Иран қарапайым американдықтарға зиян келтіргісі келмейді.