InfoHub Logo

Мұхтар Шаханов - «қазақ» деп жанын беретін,  «қазақ»  деп  шырылдап жүретін,«қазағым» деп ұрандатып  жүретін, «қазақ тілі», «қазақ тағдыры» деп жүретін  жалғыз, дара 21 ғасырдың күрескер ақыны, қоғам қайреткері, қазақ үшін жаратылған перзенті. 

Мұхтар Шаханов Ұлы Абай сияқты күресіп жүр. Ол  Абай сияқты қазіргі таңда бір жалғыз өзі мыңмен жалғыз алысып, күресіп жүр. Ол өз ана тілін білмейтін, білсе де менсінбейтін «мәңгүрт» адамдармен  күресіп  жүр. Абайдың заманында бәрі өз тілін білетін, құрметтейтін, жоғары бағалайтын. Ал, Мұхтардың заманында бәрі керісінше. Абай ақын Мұхтардың заманында өмір сүргенде қайтер еді? Не тыңдырар еді?  Мұхтар өз  заманында істеу керектің бәрін істеді, айту керектің бәрін айтты, ештеңені жасырмады. Бұл заманның адамдары өз ана тілінде сөйлемейді, сөйлесе де шұбарлап, былықтырып, быттастырып, тамаша сөздің сәнін, мәнін кетіріп сөйлейді. Сол жандарға Мұхтар ақынның жаны қатты ашиды, жүрегі ауырады. Ол өз жүрегінің ауырғанына қарамай, басқалардың жүрегін емдеуге тырысады. Олардың жүрегіне «қазақ тілі»,  «қазақ елі» деген дәрілермен  ем  жасайды. Бұл дәрілер ең қымбат, таптырмайтын  дәрілер. Бұл дәрілерді тауып беру үшін –ол жанын береді. Ол сол дәрілерді өз жанынан, рухынан шығарады. Мұхтардың қай өлеңін оқысаңда, онда қазақтың мұңы,  тағдыры жатыр. Ол «Аралдың тағдырын» шырылдап  айтқан  жалғыз  перзент. Ол қазақтың  ұлттық төл мейрамы «Наурыздың»тойлануына алғаш боп ықпал еткен ақын. Қазақ халқы «Ұлыстың ұлы күнін »біраз уақытқа тойламай қалды. Мұхтар ақын жоғары жаққа хат жазып, ел ағаларының басын біріктіріп, «Наурыз»мейрамын  жыл сайын тойлап, атап өтуге қол жеткізді. Ол «Отырар кітапханасындағы»кітаптардың біразын сақтап қалған. Ол қазіргі таңда Шымкент қаласындағы «Отырар  кітапханасының» дамуына  да өз үлесін қосып жүр. Мұхтар ақынның  қазақ халқына жасаған еңбегі ұшан-теңіз, шексіз. Оған Алла тағала зор денсаулық берсін. Оның қазақ халқына жасайтын жақсылығы таусылмақ емес. Әлі де тыңбай еңбек етіп, жасай береді. Біз Мұхтар ақынның көзінің тірісінде жоғары бағалап, құрметтеуіміз керек. Ондай қазаққа жанын беретін ақын жүз жылда бір келеді. Біз оған өз бағасын беруіміз керек. Ол өз бағасын алуға тиісті. Менің қолымда мол байлық (ақша) болғанда, мен Мұхтар ақынның емделуіне берер едім. Еліміз Мұхтар ақынның көзінің тірісінде қадіріне жетсе екен, қадірлесе екен...

---