Нәйлә Базанова
Нәйлә Оразғұлқызы Базанова (1911-1993) — қазақ әйелдерінің арасынан шыққан тұңғыш биология ғылымдарының докторы, профессор, физиолог, академик. Ол Бішкек (Фрунзе) қаласында дүниеге келген. Негізгі еңбектері ірі қара малдың ас қорыту ерекшеліктері және жас төлдің бітім-болмысы мен өсіп-жетілуін анықтауға арналды. Қышқылды ашытқыны, жүгері не басқа дақылдарды сүрлемге (қыстық азық) пайдаланса, оның құнарлылығы жақсы сақталып, қоректігі артатынын көрсетті. Осы арқылы тайыншалар тез қоңданып, мал сүті мол әрі майлылығы жақсаратынын, сондай-ақ тауық пен үйректің көп жұмыртқа беретінін дәлелдеді. Нәтижесінде сүрлем мал шаруашылығында кеңінен қолдануға ұйғарылды. Ғалымның қаламынан ауыл шаруашылығын дамытуға арналған оқулықтар жарық көрген.
You Might Also Like
-
Нұржамал Пернебекқызы Үсенбаева — Қазақстан халық әртісі, опера әншісі. Ол 1958 жылы шілдеде туған. 1984 жылы Құрманғазы атындағы Алматы консерваториясын бітіріп, Абай атындағы Опера және бал...
-
Әлемдік баспасөздің қалыптасуы мен таралуында Германияның маңызы зор. Осыдан 550жыл бұрын Майн қаласының тұрғыны Иоганн Гутенберг типографиялық станок ойлап тапқан. Бұл станокта басылған алғашқы ба...
