InfoHub Logo

Белгілі орыс әзілкешісі Нұрлан Сабуровтың әйелі Диана Ресейдегі кәсібін жабуға кірісті. Ол өзінің «ДС РИТЕЙЛ» ЖШҚ аталатын бөлшек саудамен айналысатын компаниясын тарату процесін бастады. Бұл шешімнің себебі әлі белгісіз, бірақ бұл оқиға әзілкешінің Ресейдегі жағдайына байланысты болуы мүмкін.

Бұл туралы Infohub.kz ақпарат агенттігі хабарлайды.

Диана Сабурованың компаниясы ресми түрде 2026 жылдың 16 наурызынан бастап жабылу сатысында тұр. Ал Нұрлан Сабуровтың Ресейдегі «Сабр продакшн» атты жеке фирмасы әзілкешінің концерттерін ұйымдастырумен айналысады. Ресейлік БАҚ-тың хабарлауынша, 2025 жылдың соңында бұл компанияның салық бойынша 18,5 мың рубль (шамамен 110 мың теңге) қарызы болған.

Ресейдегі тыйымдар

Бұған дейін Нұрлан Сабуровқа Ресейге 50 жылға кіруге тыйым салынғаны туралы ақпарат тараған еді. БАҚ мәліметтері бойынша, бұл шешім ұлттық қауіпсіздік пен дәстүрлі құндылықтарды қорғау мақсатында қабылданған. Әзілкеш Дубайдан оралғаннан кейін Внуково әуежайында ұсталған. Ол тегін депортациядан бас тартып, өз бетінше Қазақстанға ұшып кеткен.

Кейінірек Ұлттық қауіпсіздік комитеті оған қатысты тексеріс бастағаны белгілі болды. Себебі, әзілкештің «Вагнер Истра легионы» жасағына 10 мотоцикл табыстап, жауынгерлерге «жеңіспен оралуларына» тілектес болған видеосы пайда болған.