InfoHub Logo

Олимпиада чемпионы Ольга Рыпакова Қазақстанның жеңіл атлетика федерациясының президенттігінен кетті. Оның орнына бұрынғы энергетика вице-министрі және қазіргі "ҚазМұнайГаз" басқарма төрағасы Асхат Хасенов тағайындалды.

Бұл туралы Infohub.kz ақпарат агенттігі хабарлайды.

Асхат Хасенов кім?

Асхат Хасенов 2024 жылдың 29 мамырында "ҚазМұнайГаз" ұлттық компаниясының басқарма төрағасы болып тағайындалған. Ол Қаныш Сәтбаев атындағы Қазақ ұлттық техникалық университетін "мұнай және газ ұңғымаларын бұрғылау" мамандығы бойынша тәмамдаған. Сондай-ақ, Халықаралық бизнес университетінде "менеджмент" мамандығын оқыған.

Еңбек жолын 2005 жылы "Тұран Петролеум" АҚ-да мұнай және газ өндіру цехының 3-разрядты операторы ретінде бастаған. 2006-2010 жылдары "Негізгі диспетчерлік басқарма" АҚ-да техникалық реттеу басқармасының жетекші маманынан бастап вице-президентке дейінгі қызметтерді атқарған.

2022 жылдың қаңтарынан 2024 жылдың мамырына дейін энергетика вице-министрі қызметін атқарған. Ол "Құрмет" орденімен марапатталған.

Ольга Рыпакова не дейді?

Ольга Рыпакова федерация басшылығынан кеткенін растады. "Мен алысқа кетпеймін, федерацияда қаламын", - деді ол. Толығырақ ақпарат жақын арада федерацияның ресми дереккөздерінде жарияланатын болады.