InfoHub Logo

Миланда өтіп жатқан қысқы Олимпиада ойындарында мәнерлеп сырғанау жарысының төрешісі, Қазақстаннан барған Надежда Парецкаяның әділдігі күмән тудыруда. Әлеуметтік желі қолданушылары мен спорт жанкүйерлері оның ресейлік спортшы Аделия Петросянға жоғары баға қойып, ал қазақстандық спортшыларға қатысты тым қатал болғанын айтып, наразылық білдіруде.

Бұл туралы Infohub.kz ақпарат агенттігі хабарлайды.

Төрешінің шешіміне наразылық

Желіде тараған ақпараттарға сәйкес, Парецкая ресейлік мәнерлеп сырғанаушы Аделия Петросянның өнер көрсетуіне ең жоғары бағаларды қойған. Алайда, отандасымыз Софья Самоделкинаға берілген бағалар тым төмен болғандықтан, ол ойынды 10-шы орынмен аяқтауға мәжбүр болды.

Мұнымен қоса, ерлер арасындағы жарыста да қазақстандық судьяның әділетсіздігі байқалған. Михаил Шайдоровтың қысқа бағдарламасындағы өнер көрсетуіне 7-орын бергені, бұл оның еркін бағдарламада тәуекелге барып, бес бірдей секіріс жасауына себеп болғаны айтылуда. Дегенмен, Шайдоров осы қиындықтарға қарамастан алтын жүлдеге ие болып, Олимпиада чемпионы атанды.

Неге Элизабет Тұрсынбаева төреші болмады?

Жанкүйерлердің тағы бір алаңдаушылығы – әлем чемпионатының күміс жүлдегері, Олимпиада ойындарының тәжірибелі спортшысы Элизабет Тұрсынбаеваның неге төреші ретінде жіберілмегені. Желі қолданушылары Қазақстан Ұлттық Олимпиада комитетінен бұл мәселеге қатысты түсініктеме беруді талап етуде.

Естеріңізге сала кетейік, Қазақстан 2026 жылғы қысқы Олимпиада ойындарында жалпыкомандалық есепте 19-шы орынды иеленді.