InfoHub Logo

Ұйымдастырылған оқу іс - әрекетінің технологиялық картасы
«Қарлығаш» тобы
Білім беру саласы: «Шығармашылық»
Бөлімдері: Жапсыру.
Тақырыбы: «Ою ойғанның ойы ұшқыр»
Мақсаты: Балалардың ұлттық ою - өрнек туралы білімдерін тереңдетіп, халықтың тұрмыс - салт дәстүріне қызығушылықтарын ояту, қабаттап бүктелген қағаздан ою - өрнектерді қию арқылы бейнелеу өнерінің жаңа тәсілдерімен таныстыру.

Іс - әрекет кезеңдері
Тәрбиешінің іс – әрекеті

І кезең. Дәлелдеу - ояту
Шаттық шеңбер:
Бір шаңырақ астында,
Тату, тәтті тұрамыз.
Бірге ішеміз асты да,
Бірге сайран құрамыз.
Армысыңдар қонақтар!
Қош келдіңдер апайлар.
Алдарыңда балақай
Көрсетерміз сабақ - ай.
- Балалар, біздің Республикамыз қалай аталады?

II кезең Іздену, ұйымдастырушы

- Біз қай ұлттың баласымыз?
- Иә, біз қазақпыз, біздің өз рәміздеріміз, тіліміз, салт - дәстүріміз бар.
- Балалар, енді мұнда қараңдаршы мына жерде біз нелерді көріп тұрмыз?
- Ал енді айтыңдаршы бұлардың барлығы немен әшекейлеп безендірілген?
- Дұрыс айтасыңдар, балалар ою - өрнек күнделікті біз пайдаланып жүрген заттарда көп кездеседі. Олар ұрпақтан - ұрпаққа тарап, жалғасып келеді. Олардың түрлері өте көп. Мысалы: қошқар мүйіз, итқұйрық, гүл, балта, жұлдыз, шеңбер, ирек, ағаш.
- Бұл ою түрлерін үй мүліктерінде, ұлттық киімдерде, зергерлік бұйымдарда, ыдыс - аяқтарда кездестіреміз. Әр бір оюдың түпкірінде терең мағына жатыр. Мысалы: Қошқар мүйіз молшылықты меңзесе, ағаш оюы ынтымақ – бірлікті, ирек оюы адамның өмір жолын, судың белгісін, шеңбер ою жарық өмір жолы дегенді білдіреді.
- Балалар, жаңа біз сендермен ою - өрнектің қандай бұйымдарда кездесетінін және оның мағынасын айтып өттік.
- Енді маған кім ою туралы тақпақ, мақал - мәтелдер айтып береді?

Сергіту сәті:
- Ал енді балалар орнымызға отырып, алдымен қауіпсіздік ережесін еске түсіріп алайық.

- Мен сендерді балалар төрт топқа бөлемін.
- Бірінші топ алдарыңда жатқан оюды қиып, киіз үйге желімнің көмегімен жабыстырамыз.
- Екінші топ сандықты, үшінші топ көкірекшені, төртінші топ сәукелені ұлттық ою - өрнектермен әшекейлеп безендіреміз.
Жеке көмек көрсету.