InfoHub Logo

Қарағандыда 19 жастағы Риза есімді қыз бұрынғы күйеуінің ауыр соққысынан көкбауырынан айырылды. Дәрігерлер оның өмірін сақтап қалу үшін шұғыл ота жасап, көкбауырды алып тастауға мәжбүр болды.

Бұл туралы Infohub.kz ақпарат агенттігі хабарлайды.

Бастапқыда жасөспірім кезінде зорлық көрген

Басылымның мәліметінше, қыз бен оның бұрынғы күйеуі спорт залында танысқан. Сол кезде қыз 16 жаста, ал ер адам 32 жаста болған. Қыздың айтуынша, алғашқы жыныстық қатынас өз еркінен тыс болып, 17 жасында жүкті болып, тұрмысқа шығуға мәжбүр болған. Бұл жағдайдан ата-анасы хабарсыз қалған.

Тұрмыстағы зорлық-зомбылық

Тұрмыс құрғаннан кейін жанжалдар жиілеп, зорлық-зомбылық тұрақты сипат алған. Қыздың сөзінше, күйеуі оны ұрып-соғып қана қоймай, күйдіріп, қорқытып, түрлі видеоларға түсіруге мәжбүрлеген.

«Әр жанжалдан кейін түрлі жолмен жазалайтын. Бірде оны далаға апарып, темір құбырмен ұрып, үстіне қайнаған су құйған», – делінген ақпаратта.

Ауыр жарақат және ота

Кейін ер адам ажырасуға өтініш білдіргенімен, қыз баласының болашағы үшін онымен бірге тұруын жалғастырған. Алайда сәуір айында болған кезекті жанжал ауыр зардапқа әкеліп, ол ауыр жарақат алған. Нәтижесінде дәрігерлер шұғыл операция жасап, көкбауырын алып тастаған.

Полиция қандай шара қолданды?

Қарағанды облыстық полиция департаменті бұл фактіні растады. 11 сәуір күні жарақат алған 19 жастағы қала тұрғыны медициналық мекемеге жүгінген. Аталған дерек бойынша қылмыстық іс қозғалып, күдікті ұсталып, уақытша ұстау изоляторына қамалған.

Қазіргі уақытта жәбірленуші дағдарыс орталығына орналастырылды.