InfoHub Logo

Bilim-all.kz және Bilimland.kz сайттары бірлесе ұйымдастырып отырған Эссе және өлең-жыр байқауының тағы бір үздік туындысы анықталды. «Тілім менің» атты өлеңінің авторы – жас қаламгер Нұрила Бөкебай қараша айының кезекті жеңімпазы атанып отыр!

Үздік деп танылған туындыны назарларыңызға ұсынамыз:

Тілім менің

Тілім менің!
Қуанышым өзіңсің түңілгенім,
Қадіріңді түсініп ұғынды елім.
Тілім менің, қадірім, қасиетім,
Тілім барда жанданды, тірілді елім!

Тілім менің!
Шырқар әнім өзіңсің, жырым менің,
Қазақ тілім – айбыным, асқақтығым.
Сарқылмайтын, өшпейтін үнім менің!
Тілім менің – басыма қонған бағым,
Тілімменнен гүлденсін, тұғырлы елім!

Тілім менің!
Жарқыраған жұлдызым, күнім менің!
Өзің барда мұңайып, түңілмедім,
Қазақ тілі – тіршілік қуатымсың,
Өзің барда, өшпейді үнім менің!

Ана тілім!
Құламайтын бәйтерегім,
Нақылыңнан санама ой теремін.
Өзіңсің ғой жүрегім , жаным, қаным!
Сен болмасаң өмірде қайтер едім?!

Бүгінде шабытым кеп өлең жаздым.
Дәптерім мен қаламға қол жалғадым,
Менің тілім – қазағымның байлығы деп,
Қасиетті, тілім жайлы жыр қозғадым!

(Автордың орфографиясы мен пунктуациясы сақталған)

Жеңімпазды құттықтаймыз!

Сыйлықты алу үшін bilimland.kz сайтымен байланысуыңызды сұраймыз!

Ескерту! Құрметті қатысушылар, өлең енгізу барысында, ілмектер өрісіне bilim2019 ілмегін (қатесіз, тырнақшасыз, пробелсіз) міндетті түрде қосыңыздар (кері жағдайда сайысқа қатыспады деп есептеледі.)! Ілмек үтір арқылы қойылады. Мысалы: bilim2019, туған жер, ел, ... деп. Одан бөлек, авторы деген ұяшықты бос қалдырып, авторы өзім дегенді де (жазудың үстіне басу керек) басыңыздар.

Эссе енгізу барысында сайыс2019 деген бөлімді таңдауды ұмытып кетпеңіздер.(кері жағдайда сайысқа қатыспады деп есептеледі.) Авторы деген ұяшықты бос қалдырыңыздар.

Барлық талаптармен Қаламгерлер сайысы сілтемесі арқылы өтіп, толығырақ танысуға кеңес береміз.

---