InfoHub Logo

Қазақстандық фристайл-акробаттар Италиядағы қысқы Олимпиада ойындарында командалық жарыстың алғашқы финалында өнер көрсетті. Аталған жарыста ел намысын Аяна Жолдас, Асылхан Асан және Роман Иванов қорғады.

Бұл туралы Infohub.kz ақпарат агенттігі хабарлайды.

Жарыс нәтижесі

Медальдық финалға шығу үшін команда алғашқы сында үздік төрттікке кіруі тиіс болды. Аяна Жолдас өз өнері үшін 49,77 балл, Роман Иванов 79,65 балл иеленді. Ал Асылхан Асан ең үздік нәтиже көрсетіп, 84,51 балл жинады.

Қорытындылай келе, қазақстандық команда барлығы 213,93 балл жинап, жеті қатысушының арасында жетінші орын алды. Осылайша, спортшыларымыз Италиядағы қысқы Олимпиададағы жарысын аяқтады.

Басқа командалардың көрсеткіштері

Екінші финалға төрт құрама шықты. Олардың арасында АҚШ командасы 351,23 баллмен алда келеді. Сондай-ақ, Қытай (315,02), Австралия (289,04) және Швейцария (278,48) спортшылары да үздіктер қатарынан көрінді.

Айта кетейік, бұған дейін қазақстандық мәнерлеп сырғанаушы Софья Самоделкина Олимпиададағы өнеріне қатысты пікірін білдірген болатын.