InfoHub Logo

Қазақстан тарихы 6 сынып

Сабақтың тақырыбы: Қазақстан жаңа тас дәуірінде (неолит)
Сабақтың мақсаты: Жаңа тас дәуірінің қоғамдағы өзгерістері, дәуірдің жаңалықтары, археологиялық қазба жұмыстар нәтижесінде табылған тұрақтар жайында түсіндіре отырып, оқушылардың білімдерін жетілдіру.
Сабақтың міндеттері:
1. Сыныпты топқа бөлу арқылы диалогтік оқытуды дамытып, тақырып барысындағы құндылықтарды анықтап, сол құндылықтарды мағынасын ашу арқылы тақырыпты меңгерту. Жаңаша тәсілдер арқылы есте сақтау қабілеттері, ойлау, талдау, қорытынды жасау қабiлеттерi дамиды, өзiндiк жұмыстар жасай білуге үйренеді.
2. Сыни тұрғыдан ойлау арқылы түйінді ой айтады, өзіндік пікірін қалыптастыруға дағдыланады.
3. Ұлтжандылық, адами сезімді қастерлеуге тәрбиеленеді.

Оқыту технологиясы: ұжымдық оқыту.
Сабақтың типі: жаңа сабақ
Сабақтың түрі: аралас сабақ
Сабақтың әдісі: «Тарих әлемі», «Кубизм», СТО, «Мен саған, сен маған» топтық жұмыстар, кесте толтыру.

Сабаққа қажетті құралдар мен көрнекіліктер:
1. Құралдар: А1 форматты қағаз, интерактивті тақта, компьютер
2. Көрнекіліктер: мәтіндік тапсырмалар, ҚР картасы.
Пәнаралық байланыс: география
Күтілетін нәтиже: жаңа тақырып мазмұнын игереді, диалогтік қатынас орнайды, өзіндік баға береді, өмірмен байланыстырады, талдайды, шығармашылық қабілеттерін арттырады.

Сабақ барысы:
Мұғалімнің іс - әрекеті
1. Топтарды тас дәуірінің кезеңдерімен отырғызады.
2. Бағалау критерийлерімен танысады.

Берілген әріптердің артында сұрақ жасырылған. Жасырылған сұрақтың жауабы таңдаған әріптерінен басталады.
Әр дұрыс жауап 2 ұпаймен бағаланады.
Бұл ойын арқылы мезолит дәуіріндегі еңбек құралдармен, тұрақтармен, жаңалықтармен хабардар екенін танытады.

Сурет бойынша тірек сөздер жазады. Тірек сөздерді пайдалана отырып, жаңа тақырыпқа сай әңгіме құрастырады.
1. Неолит кезеңінде адамдардың тас құрал жасауда ең жоғары сатыға жеткенін немен дәлелдей аласыңдар?
2. Неолит кезеңінде адамдардың шаруашылығы мен кәсібінде қандай жаңалықтар болды?
3. Адамдардың қоғамдағы рөлінің арта түскенін дәлелдеңдер.
4. Тұрақтарды зерттеудегі жаңалықтар
Баларға мәтінді оқи отырып, топ ақылдаса бір идеяны ортаға салып, пікірлесіп, түйінді ойды қағаз бетіне түсіруін ұсынады.

Мұғалім бір оқушыға сұрақ қойып допты лақтырады. Допты ары қарай 1 топтан 2 топқа, 2 топтан - 3 топқа сұрақтар қою арқылы жалғастырады.
• Суреттеңіз
• Салыстырыңыз
• Байланыстырыңыз (бұл туралы не ойлағаныңызды көзге елестетіңіз)
• Талдаңыз (неден жасалған? Не үшін?)
• Қолданыңыз (бұнымен не жасауға болады?)
• Дәлелдеңіз Неге?
Топ басшылары белгілеп отырған бағалау парақшасындағы жинаған ұпай бойынша бағаланады.