InfoHub Logo

Қазақстанда биылғы сәуір айында екінші деңгейлі тұрғын үй нарығында баға алғаш рет төмендеді. Бұл – жыл басынан бері байқалып отырған алғашқы құбылыс.

Бұл туралы Infohub.kz ақпарат агенттігі хабарлайды.

Тұрғын үй бағасының өзгеруі

Наурыз айымен салыстырғанда сәуірде орташа баға 0,1%-ға азайды. Тұрғын үй бағасы еліміздің 18 қаласының 10-ында арзандаған. Ең көп төмендеу Ақтауда (-2,1%), Түркістанда (-1,3%) және Оралда (-0,8%) тіркелді.

Ең қымбат және арзан қалалар

Еліміз бойынша Алматы ең қымбат қала болып қала берді. Мұнда бір шаршы метрінің бағасы 819,6 мың теңге болса, ең арзан қала – Қызылорда, онда баға 270 мың теңгеден аспайды.

Жылдық көрсеткіш бойынша тұрғын үй бағасы 8,1%-ға өскен. Бұл саладағы ең үлкен өсім Астанада байқалды, онда баға 17,7%-ға көтерілген.

Жалға беру нарығындағы жағдай

Бұған дейін Қазақстанның көптеген өңірлерінде тұрғын үйді жалға беру бағасы да төмендегені хабарланған болатын.