InfoHub Logo

Қарыз болса, шоттар жабылады

Қазақстан Республикасының Мемлекеттік кірістер комитеті (МКК) салық бойынша қандай қарыз сомасынан бастап қазақстандықтардың шоттарын жабатынын айтты. Сондай-ақ, әртүрлі қарыз сомалары кезінде қандай шаралар қолданылатыны туралы айтты, деп хабарлайды Infohub.kz ақпарат агенттігі.

Аудит департаментінің қарыздармен жұмыс жөніндегі басқармасының басшысы Қайсар Арынның айтуынша, алғашқы шектеулер салық берешегі 20 АЕК-тен (2025 жылы 86 500 теңге) асқан кезде қолданыла бастайды.

«Біз сараланған тәсілді қолданғандықтан, салық берешегі 20 АЕК-тен (86 500 теңге) асқан жағдайда өсімпұл есептеледі, хабарлама жіберіледі, содан кейін мерзімі бойынша – банк шоттары бойынша шығыс операциялары, сондай-ақ кассалық және инкассалық өкімдер тоқтатылады», - деп түсіндірді Қайсар Арын брифинг барысында.

Ол 45 АЕК-ке (2025 жылы 194 625 теңге) дейінгі берешек кезінде дәл осы шаралар қолданылатынын атап өтті.

«Кейіннен дебиторлық берешекті өңдеу, мүлікті түгендеу актісін жасау, акцияларды іске асыру және шығару, тіпті сот шешімімен салық төлеушіні банкрот деп тану мүмкін – қарыз өтелмеген жағдайда», - деп қосты ол.

Бұған дейін хабарланғандай, егер салық төлеуші негізгі қарыз сомасын 2026 жылдың 1 сәуіріне дейін өтесе, салықтар бойынша өсімпұлдар мен айыппұлдар есептен шығарылады.