Қорқақ батыр
Еңгезердей бір қарулы жігіт «батырмын» деп мақтанады екен. Бірақ өзі су жүрек қорқақ болса керек. Бір күні жасақты көп ұрылар байдың жылқысын ұрлап кетеді. Жылқыны ұраң айыруға ешкім шықпайды. Бай әлгі жігітке келіп жалынады. Батыр қатты сасады. Ақыры көніп «Мені жүйрік атқа мінгізіп, ерге мықтап таңып тастаңдар» дейді. Басы қатты жүйрік ат қиқу салып бара жатқан ұрыларға қарай шауып ала жөнеледі.
Жауға жақындағанда жүрегі ұшып, не істерін білмеген жігіт шауып келе жатқан бойы жолда тұрған бір теректі қапсыра құшақтап, аттан түсіп қалмақ болады. Бірақ түбі шіріген терек қопарылып кетеді. Мұны көрген ұрыларда ес қалмай, айдап бара жатқан жылқыларын тастап, бет-бетіне қаша жөнеледі. Сөйтіп, қорқақтың «батыр» атағы арта түседі.
You Might Also Like
-
Мал союға қатаң тиым салынған шақ. Ол кезде өзі бас болып, Ишан базардан қара құнажын сатып алып келіп, төрт үй бірігіп сойып алады. Мұны естіген жергілікті белсенді:
-
Екі құда жиі қатынасып жүреді. Біреуі сараңдау екен. Құдасы оның үйіне таныстарын, құда-жекжаттарын ертіп келе береді. Сараң әбден ығыр болады. Бір жолы сараң қасына құда-жекжаттарын ертіп келге...
