Құдалықта
Келін түскен үй адамдары құдаларды күтіп жатады. Бір кезде бас құданың мұртына қамыр жабысып қалыпты. Сол сәт оның жанында отырған жас келіншек:
— Көке, баққа бұлбұл қонды, — деп жымиыпты.
Бас құда жалма-жан мұртын сипап қамырды алып тастайды. Үзілісте құда күтіп жатқан үйдің иесі дәретханада жас келіншектің жұмбақтап айтқан ескертпесін өз «көкелерінің» есіне салып:
— Мен де бас құда тәрізді мойлаумын ғой, қапыда менің де мұртыма бірдеме жабысса, бүйірге жайлап нұқырсыңдар, — депті.
Айтқандай-ақ бір мезгіл оның мұртына сары май баттаса жағылып қалса керек. Сол сәт дастарханның қарсы бетінде отырған баласы:
— Көке, әлгіде дәретханада ескерткеніңіз болып тұр, — депті.
You Might Also Like
-
Күйеудің қайын жұртпен ойнайтын әдеті ғой. Құрымбайдың руына күйеу Нұрғабыл ақсақал мінезі жағымсыздау кісі болса керек. Кіндігінен бала болмағандықтан бүкіл қайын жұрты іштей мүсіркеп, бір жағы әп...
-
Коллективтендіру кезі. Ауданнан келген бір өкіл жиналыс өткізбекші болып, аз ғана ауыл адамдарын жинайды. Өзінің кім екенін таныстырып, ел жағдайын тоқталған ол ақырында:
