InfoHub Logo

Қызылорда облысы Шиелі кенті
№48 Ә. Қоңыратбаев атындағы орта мектеп
Математика - информатика пәні мұғалімі Уашев Мырзағали

Сабақтың тақырыбы: Қиылысатын түзулер. Вертикаль бұрыштар.
Сабақтың мақсаты:
1. Білімділік: Қиылысатын түзулер, бұрыштар туралы білімдерін кеңейтіп, вертикаль бұрыштар ұғымдарымен таныстырып, олардың қасиеттерін меңгерту; оларды қолданып, есептер шығаруды үйрету;
2. Тәрбиелік: Сауатты сызба жасауға, қорытынды шығара білуге, ой реттілігіне баулу.
3. Дамытушылық: Тақырып бойынша алған білімдерін практикада пайдалана білу дағдыларын қалыптастыру.
Сабақтың көрнекіліктері: MS Power Point презентациясындағы слайдтар, флипчарт, сызбалар, тапсырмалы қағаздар, тақтадағы жазбалар.
Сабақтың түрі: Аралас, кіріктірілген
Сабақтың берілу әдіс - тәсілдері: Ауызша түсіндіру, топтық, көрнекілікпен жұмыс, тест.
Пәнаралық байланыс: геометрия, бейнелеу, өмірмен.

Сабақтың барысы:
I. Ұйымдастыру кезеңі:
а) Оқушылардың сабаққа қатысуын, оқу құралдарын тексеру;
ә) Оқушыларды өз қалаулары бойынша топқа бөлу. (Квадрат, дөңгелек)
II. Жан - жақты білім тексеру кезеңі:
а) Өткен тақырыптарды қайталау сұрақтары:
1 топ: «Санды теңсіздіктер», 2 топ: «Сан аралықтарына» сипаттама жаса
Осы тарауларға байланысты есептерді интерактивті тақтада орындау
б) «Кім жылдам» ойыны топтардың «Ия - жоқ» жауабы арқылы кезектесе жауап беруі

Жаңа сабақ
«Ойлан тап» сөзжұмбағы арқылы тақырыпты ашу.
1. Тік бұрыштың жартысы неше градусқа тең?
2. Транспортир бұрышты өлшеуге арналған...
3. Бұрыштың өлшем бірлігі
4. 180°- қа тең бұрыш қалай аталады?

Қиылысатын екі түзудің ортақ бір ғана нүктесі болады.
а және b түзулері қиылысушы түзулер. О – қиылысу нүктесі пайда болған төрт бұрыштың төбелерін белгілеуді көрсетеді. Толықтауыш сәулелер туралы ұғым беріледі.
Егер бір бұрыш қабырғалары екінші бұрыш қабырғаларының толықтауыш сәулелері болса, бұл бұрыштарды вертикаль бұрыштар деп атайды.