Photo: Pixabay (https://www.pexels.com/@pixabay) / Pexels
Рудный қалалық ауруханасындағы жағдайға байланысты Денсаулық сақтау министрлігі тексеру жүргізеді
Блогер Татьяна Турлайдың Рудный қалалық көпбейінді ауруханасының терапия бөліміндегі жағдай туралы жазбасынан кейін ҚР Денсаулық сақтау министрлігінің Медициналық және фармацевтикалық бақылау комитеті жоспардан тыс тексеруді бастады. Бұл туралы министрліктің баспасөз қызметі хабарлады.
Бұл туралы Infohub.kz ақпарат агенттігі хабарлайды.
Ауруханадағы жағдай
Турлайдың айтуынша, анасы үш аптадан бері осы ауруханада емделіп жатыр. Осы уақыт ішінде бөлімде қарапайым медициналық бұйымдар мен дәрі-дәрмектердің тапшылығы сезілген. Блогердің жазбасында медбикелердің науқастарға көмек көрсету үшін қолда бар заттарды пайдалануға мәжбүр болғаны айтылған. Кейбір медицина қызметкерлері тіпті өз ақшаларына қажетті заттарды сатып әкелген.
Сонымен қатар, науқастардың кейбірі медициналық сақтандыру төлемдеріне қарамастан, дәрі-дәрмектерді өздері сатып алуға мәжбүр болған.
Министрліктің жауабы
Комитет медициналық ұйымның қызметін дәрі-дәрмектермен және медициналық бұйымдармен үздіксіз қамтамасыз ету мәселесі бойынша тексеретінін мәлімдеді. Тексеру қорытындысы бойынша тиісті шаралар қабылданып, халыққа сапалы және уақтылы медициналық көмек көрсету қамтамасыз етіледі деп уәде берді.
-
Белгілі журналист Руслан Өтепбай күдікті деп танылған Сұлтан Сәрсемалиевтің баласының әкесіне жазған аудиохатын жариялады. Бұл туралы kznews.kz хабарлайды.
-
A blogger's report on critical shortages of medicines and medical supplies at Rudny City Hospital has prompted an urgent investigation by the Ministry of Health.
