InfoHub Logo

Шымкентте тегін жүзу секциясына жазылуға ата-аналар арасында үлкен сұраныс туды. Жастар сарайының алдына тіркеу басталмай жатып, түн ортасынан бері кезекке тұрған жұртшылық жиналды. Алайда, бөлінген орындар саны шектеулі болып шықты.

Бұл туралы Infohub.kz ақпарат агенттігі хабарлайды.

Ата-аналардың наразылығы

Көптеген ата-аналар бірнеше жылдан бері балаларын жүзу үйірмесіне бере алмай жүргендерін айтып шағымданды. Кейбір ата-аналар таңғы сағат 8:30-да келсе де, 143-орында тұрғанын айтты. Ресми тіркеу сағат 10-да басталуы керек болған.

«Егер ақшамыз жеткенде, біз мұндай қиындыққа тап болмас едік. Барлығы балаларын тегін оқытқысы келеді», - дейді жергілікті тұрғын Үлмекен Бимусаева.

Тағы бір тұрғын Үлжан Қонысова: «Түнгі сағат үште адамдар ұйықтауы керек. Біз таңертең келдік, бірақ 200-ден астам адам жиналған. Бұл жағдайды реттеу керек. Әр жолы осылай болады. Біз орта ғасырда өмір сүрмейміз ғой», - деп ашуланды.

Әкімшіліктің жауабы

Мекеме әкімшілігінің мәліметінше, бассейнге жазылу ай сайын жүргізіледі. Қазіргі таңда тек 50 орын ашық. Орындар сабаққа қатыспайтын немесе себепсіз жіберетін балалардың есебінен босайды. Сондықтан тек толық құжаттары бар 50 адам қабылданады.

«Ата-аналар неге онлайн тіркеуге болмайтынын сұрайды. Бұрын онлайн тіркеу болған. Бірақ 2026 жылдан бастап платформа ауысқандықтан, ата-аналар жеке келуі керек. Бізде «Миндаль» платформасы қолданылады. Бассейн резеңке емес, мың баланы бірдей қабылдай алмаймыз. Әр топта 15 адамнан артық болмайды. Гигиена талаптары да бар», - деп түсіндірді әдістемелік бөлім меңгерушісі Ақмарал Жүнісова.

Оның айтуынша, бассейн мың баланы қабылдай алады, оның ішінде 100-ден астамы ерекше қажеттіліктері бар балалар. Сондықтан әр балаға жеке оқу кестесі жасалған.