InfoHub Logo

4 - сынып
Сабақтың тақырыбы: Сөйлемнің бірыңғай мүшелері
Сабақтың мақсаты:
1. Оқушылардың бір сұраққа жауап беріп, бірдей тұлғада айтылған сөздердің сөйлемнің бірыңғай мүшелері болатынын түсіндіру, бірыңғай мүшелердің өзіне тән ерекшеліктеріне сипаттама беру және оқушылардың жеке тұлға құзіреттілігін дамыту;
2. Оқушылардың танымын кеңейту, материалды тез қабылдауына жол ашу, өз пікірін айтуға төселдіру, ойлау, есте сақтау қабілеттерін арттыру, тіл мәдениетін дамыту;
3. Өз - өзіне сенімділіктерін арттыру.
Сабақтың түрі: жаңа сабақ
Әдіс – тәсілдер: түсіндіру, сұрақ - жауап, жаттығу, іздендіру, жүйелеу.
Сабақтың көрнекілігі: интерактивті тақта, оқулық, суреттер, фишка.

Сабақтың барысы:
1. Ұйымдастыру кезеңі.
Барлығы: Күн жарығын алақанға саламын,
Жүрегіме басып ұстай қаламын.
Ізгі әрі нәзік, жарық, мейірімді,
Болып кетер сонда дереу жан - жағым.
- Міне, жүрегіміздегі осындай жылумен сабағымызды бастаймыз
2. Үй жұмысын тексеру. 51 бет 5 - жаттығу

- Бүгінгі сабақта жақсы жауап берген оқушыға фишка беріп отырамын. (өте жақсы жауап берген оқушыға - қызыл, жақсы жауап берген оқушыға - жасыл)
- Балалар біз қандай болғымыз келеді? ( ақылды, әдемі, білімді)
Ондай болуымыз үшін біз не білуіміз керек? (интерак. тақтаны, компьютерді, планшетті.)
Ендеше қазір біз интерактивный тақтаны қолданамыз.
Интерактивті тақта мен жұмыс.
Гүлдің күлтешесі қандай түсті болады?
Адамдар өз үйлерін қалай күтеді?
Бұл қандай ағаштар?
- Бір сұраққа жауап беретін сөздерді табыңдаршы.
- Сөздер қандай сөз табымен байланысып тұр?
- Балалар атайды.
- Ондай сөздерді сөйлемнің бірыңғай мүшесі дейміз
- Енді осы сөздермен сөйлем құрай қойындар.
Сонда жаңағы сөйлемдерден қандай ереже шығаруға борлады?
Өздері ереже шығарады.
1 - ереже: Бір сұраққа жауап береді.
2 - ереже: Бірыңғай мүшелердің арасына үтір қойылады.
3 - ереже: Бірдей мүше.
- Ал енді оқулықтағы ережені қарай қойындар.
Қалай қорытасыңдар? Ережені дұрыс шығардық па?
Ал қазір біз ережені пайдаланып, оқулықтағы 4 - жаттығуды орындаймыз.
(Сурет бойынша сөйлем құрап жаз. Сөйлем ішіндегі бірыңғай мүшелер қандай сөйлем мүшесі болып тұр. Сөйлемдегі бірыңғай мүшелер неге бір ғана сөйлем мүшесі болып тұр.)
- Қасқыр, түлкі, аю, арыстан жабайы аңдар.
Қой, ат, ешкі, сиыр бұлар төрт түлік малдарға жатады.
Әжем ақман, қасық, таба, тәрелке, кәстрөл, шәшке сатып алды

Берілген сөздерден сөйлем құрастыру.( 2 оқушы тақтаға жазады)
Сынып оқушылары шахматтан, жүгіруден, жүзуден бірінші орынды иеленді.
Ақ, қызыл,, сары, жасыл шарлар аспанда қалықтап ұшты.
Сергіту сәті.( финская зарядка)
Қазір мен сендерге сөйлемдер оқимын, ал сендер бір мүшелі сөздерді атайсыңдар.
1. Жылыжайда ақ, көк, қызыл, сары гүлдер өсірілуде.
2. Қаз, үйректің балапаны өте нәзік болады.
3. Бүгін Әсел, Айнұр, Сәулелерді кездестірдім.
4. Іле Алатауында жабайы алма, өрік, шие ағаштары өседі.
5. Түйе сүтінен құрт, май, ірімшік әзірленеді.
6. Саят демалыс күні мұражайға, театрға, көрмеге барды.
7. Гүлназда қалам, дәптер, қарындаш, кітап жоқ.

3 - жаттығу.
Мәтінді оқып, көшіріп жаз. Бірыңғай мүшелердің астын сыз. Бірыңғай мүшелерге сұрақ қой. Олардың арасына қандай тыныс белгісі қойылған.
Сабақты қорытындылау:
- Бүгінгі сабақтан не білдік?
- Нені үйрендіңдер?
Бағалау. Фишкаларды санап, баға қою.
Үйге тапсырма: 52 - бет 5 - жаттығу ереже.
Ойын - жаттығу
Аспан көгіндегі күн болсаңдар, адамдарға қандай жылы сөздер сыйлар едіңдер?
Күтілетін жауап: мейірімділік, жылулық, жарқындық, сұлулық, сергектік, кішілік, кісілік. т.

Мәтіннен бірыңғай мүшелерді тауып, оларды тыныс белгілерімен толықтыр.
Қазақстанның таулары.
Қазақстанда Алтай Тарбағатай Сауыр және Іле Алатауы бар. Тау биіктеген сайын ауа мөлдір таза болады. Алтай өсімдіктері әр түрлі болады. Биік тауларда қар жатады. Таудан мөлдір бұлақтар ағады. Іле Алатауында жабайы алма өрік ағаштары қайын өседі.

Солтүстік Қазақстан облысы,
Тайынша қаласы №5 ОМ
Бастауыш сынып мұғалімі Жаркинбаева А. Г.

Толық нұсқасын жүктеу