InfoHub Logo

Сөз туралы мақал-мәтелдер

Жарақты жауды жайратқан сөз.

*** *** *** ***
Қаһарлы сөз қамал бұзар.

*** *** *** ***
Оң сөз өзен тоқтатар.

*** *** *** ***
Мал шөпке тоқтайды, адам сөзге тоқтайды.

*** *** *** ***
Танкі тоқтата алмаған күштіні сөз тоқтатар.

*** *** *** ***
Ақ сөз ащы болады.

*** *** *** ***
Сөз тапқанға қолқа жоқ.

*** *** *** ***
Оқ жарасы бітер, сөз жарасы бітпес.

*** *** *** ***
Көз жеткізер, көз жеткізбегенді сөз жеткізер.

*** *** *** ***
Сөздің басы бір пышақ, аяғы бір құшақ.

*** *** *** ***
Сөз сүйектен өтеді, таяқ еттен өтеді.

*** *** *** ***
Адамды адам еткен ой мен сөз.

*** *** *** ***
Әсері жоқ сөз – өлі сөз.

*** *** *** ***
Жылы киім тәнді жылытар, жылы сөз жанды жылытар.

*** *** *** ***
Жақсы сөзге жан семіреді, жаман сөзге жан түршігеді.

*** *** *** ***
Жақсы сөз жараны да жазады.

*** *** *** ***
Жақсының сөзі ақыл шақырады, жаманның сөзі ашу шақырады.

*** *** *** ***
Тау мен тасты су бұзады, адамзатты сөз бұзады.

*** *** *** ***
Кесірлі ауыздан кесапатты сөз шығады.

*** *** *** ***
Құран сөзі – құдай сөзі.

*** *** *** ***
Сөз ине сабақтайды.

*** *** *** ***
Ине көзінен, шешен сөзінен сынады.

*** *** *** ***
Сөз түпсіз, өмір шексіз.

*** *** *** ***
Сөз атасы – құлақ, су атасы – бұлақ

*** *** *** ***
Әр жердің өлшемі, әр сөздің мөлшері бар.

*** *** *** ***
Су төркіні – әуіз, сөз төркіні – ауыз.

*** *** *** ***
Сөзді сөзбен ұста, қашағанды құрықпен ұста.

*** *** *** ***
Көне сөз – жаңа сөздің қазығы.

*** *** *** ***
Сөз шынды табады.

*** *** *** ***
Ауыз көркі – сөз, жүздің көркі – көз.

*** *** *** ***
Сіз-біз деген – сөздің желімі.

*** *** *** ***
Өтірік – шындықтың келіні.

*** *** *** ***
Дәлелсіз сөзде дәрмен жоқ.

*** *** *** ***
Сәлем – сөздің анасы.

*** *** *** ***
Орайы келген сөз – орынды сөз.

*** *** *** ***
Ас атасы – нан, сөз атасы – шал.

*** *** *** ***
Қазақ бір ауыз ұтымды сөз үшін кісінің қанын кешкен, елдің тағдырын шешкен.

*** *** *** ***
Біреудің ат көтермес бөзі бар, біреудің ат көтермес сөзі бар.

*** *** *** ***
Сүтке сүт қосылса – сүмесін, сөзге сөз қосылса – демесін.

*** *** *** ***
Кен байлығы – жерде, сөз байлығы – елде.

*** *** *** ***
Дүниеде сөзден көне, сөзден берік ескерткіш жоқ.

*** *** *** ***
Алмас қылыш майданда серік, асыл сөз майданда да, сайранда да серік.

*** *** *** ***
Жол қуған кәдеге жолығады, сөз қуған бәлеге жолығады.

*** *** *** ***
Сөз жүйесін тапса, мал иесін табады.

*** *** *** ***
Ат айналып иесін табар, сөз айналып жүйесін табар.

*** *** *** ***
Малдан малдың несі артық – бір асым еті артық,
Ерден ердің несі артық – бір ауыз әділ сөзі артық.

Тіл туралы мақал-мәтелдер

Піл көтермегенді тіл көтереді.

*** *** *** ***
Адам көңілден азады, тілінен жазады.

*** *** *** ***
Бал тамған тілден у да тамар.

*** *** *** ***
Аузы құлып сандықты тіс ашпаса, тіл ашады.

*** *** *** ***
Айтпас жерде тілің тарт, ашу келсе қолың тарт.

*** *** *** ***
Жеті жұрттың тілін біл, жеті түрлі білім біл.

*** *** *** ***
Тіл қылыштан өткір.

*** *** *** ***
Тіл – тиексіз.

*** *** *** ***
Жаман көлдің суы ащы, жаман қатынның тілі ащы.

*** *** *** ***
Тіл тас жарады, тас жармаса, бас жарады.

*** *** *** ***
Тілсіз жерде тіршілік жоқ.

*** *** *** ***
Тіл – тіршілік тірегі.

*** *** *** ***
Тіл буынсыз, ой түпсіз.

*** *** *** ***
Ат жүйрігі айырады, тіл жүйрігі қайырады.

*** *** *** ***
Шешеннің тілі – шебердің бізі.

*** *** *** ***
Қотыр қолдан, пәле тілден жұғады.

*** *** *** ***
Адамға келген он бәленің тоғызы – тілден.

*** *** *** ***
Тіл сүйексіз болса да, өзі сүйектен өтеді.

*** *** *** ***
Балаға өз тіліңмен сөйлеме, өз тілімен сөйле.

*** *** *** ***
Басқа пәле – тілден.

*** *** *** ***
Тізеңнен сүрінсең де тіліңнен сүрінбе.

*** *** *** ***
Тәрбие – тілден басталады.

*** *** *** ***
Тілден тілдің кеңдігі болғанымен, кемдігі жоқ.

*** *** *** ***
Тіл қоса алар жер мен көктің арасын,
Тіл айырар анасынан баласын.

*** *** *** ***
Тіл атағыңды өсірер де өшірер.

---