InfoHub Logo

Байқоңыр ғарыш айлағынан «Сұңқар» зымыранының алғашқы сынақ ұшуы сәтті өтті. Бұл Қазақстанның ғарыш саласындағы әлеуетін арттыратын маңызды қадам болып саналады.

Бұл туралы Infohub.kz ақпарат агенттігі хабарлайды.

Тарихи старт

30 сәуірде Байқоңыр ғарыш айлағында «Бәйтерек» ғарыш зымыран кешені жобасы аясында «Союз-5/Сұңқар» орта класты зымыран-тасығыштың алғашқы сынақ ұшуы жасалды. Бұл – Қазақстан үшін айтулы оқиға.

Ұшу-конструкторлық бағдарлама аясында өткен сынақтар кезінде зымыранның бірінші және екінші сатылары ешбір ақаусыз жұмыс істеп, габаритті-массалық макет белгіленген бағытқа шығарылды.

Бұл ұшу кешеннің пайдалануға дайын екенін растап, елдің халықаралық ғарыш қызметтері нарығына қатысуын кеңейтуге жол ашады.

Ауқымды жаңғырту

«Бәйтерек» кешенін құру үшін Байқоңыр инфрақұрылымын ауқымды жаңғырту қажет болды. Стартық алаңдар, басқару жүйелері, жанармай құю және қауіпсіздік жүйелері жаңартылды.

Барлық шешімдер жоғары дәрежедегі автоматтандыруға және халықаралық стандарттарға сәйкес келуге бағытталған. Бұл жоба соңғы жылдардағы ең күрделі технологиялық жобалардың бірі болып саналады.