InfoHub Logo

Төлебай аңға шығыпты. Түс ауа бере бір түлкіні індетіпті. Інге шыбық салып алайын деп жатқанда, Ерәлі деген қажы келіп:

— Е, байлансын-ақ, — деп іннің алдына отырып алыпты. Төлебай түлкіні іннен алып шығып, құлағын кесіпті де, «мұнтитты деген — осы» депті. Одан соң құйрығын кесіпті де, «шұнтитты деген — осы» депті де:

— Ал, бар да, ана жақта жүрген көп түлкіге айт, — деп түлкіні қоя беріпті.

Ерәлі қажы:

— Төлебайды жын ұрған ба, ұстап алған түлкісін қоя бергені несі? — деп ашуланып, аулына қайтып кетіпті.

Ерәлі кеткен соң Төлебай әлгі түлкінің ізімен келе жатса, көп ұзай алмай, қансырап жығылған екен. Түлкіні байлап қайтыпты.

 

---