InfoHub Logo

Қазақстандағы уақыт белдеуін өзгерту мәселесі біраздан бері қоғамда қызу талқыланып келеді. Жуырда үкімет бұл мәселе бойынша зерттеу нәтижелерін жариялап, уақыт белдеуін ауыстыру халықтың өмір сүру деңгейіне айтарлықтай әсер етпейді деген қорытындыға келді. Алайда, бұл зерттеудің нәтижесі зерттеу басталмай тұрып айтылған уәждермен үндес шықты. Демек, мәселе басынан-ақ шешіліп қойған жоқ па?

Ғылыми зерттеу ме, әлде шешімге дәлел іздеу ме?

Сауда және интеграция министрі Арман Шаққалиевтің айтуынша, зерттеу барысында медицина, нейроғылым, биофизика, астрофизика және басқа да салалардың мамандары тартылып, халықтың денсаулығына, энергия тұтынуына, еңбек өнімділігіне және басқа да факторларға 40-тан астам көрсеткіш бойынша талдау жасалған.

Зерттеу нәтижесінде уақыт белдеуінің өзгеруі халықтың әл-ауқатына кері әсер етпейтіні анықталды. Сонымен қатар, кейбір өңірлерде жұмыс уақытын өзгерту арқылы жағдайды реттеуге болатыны айтылды. Бірақ мәселенің түп-тамыры уақыттың сағаттық көрсеткішінде ғана емес, күннің табиғи жарығымен сәйкес келуінде екенін ескерсек, бұл шешім қаншалықты тиімді?

Жергілікті бастамалар мен үкіметтің ұстанымы

Шығыс Қазақстан облысының бірнеше ауданында жұмыс уақыты 8:00-ден 17:30-ға ауыстырылған. Министр бұл тәжірибені қажет болған жағдайда басқа өңірлерде де қолдануға болатынын айтты. Яғни, мәселені уақыт белдеуін ауыстырмай-ақ жұмыс кестесін өзгерту арқылы шешуге болатынын меңзеді.

Бірақ халық арасында уақыт белдеуінің өзгеруін талап еткендер мәселені дәл осылай шешуді сұрады ма? Жұмыс уақытын ауыстырудың орнына уақыт белдеуін біржола өзгерту тиімді болмас па еді?

Зерттеу нәтижесі күмән тудыра ма?

Бұл зерттеудің нәтижесі уақыт белдеуін өзгертуге қарсы пікірлермен дәл сәйкес келуі оның объективтілігіне күмән тудырады. Егер зерттеу алдында-ақ «уақыт белдеуін ауыстыру қажет емес» деген ұстаным айқын болса, онда зерттеу шынайы ғылыми талдау ма, әлде алдын ала белгілі шешімге дәлел іздеу ғана ма?

Халықтың біраз бөлігі уақыт белдеуі дұрыс таңдалмағандықтан, таңертең күн кеш атып, кешке тым ерте бататынын айтады. Әсіресе қыс айларында бұл мәселе айқын сезіледі. Ғалымдар мен сарапшылардың қатысуымен жүргізілген зерттеу осы мәселеге нақты жауап берді ме? Әлде, мәселе уақытша түзетулер арқылы елеусіз қалды ма?

Қазақстанда уақыт белдеуі мәселесі әзірге жабық тақырып болып қала беретін сияқты. Үкімет қабылдаған шешімге қарағанда