InfoHub Logo

Технологиялық карта
Білім беру саласы: Қатынас
Оқу іс - әрекеті: Көркем әдебиет
Тақырыбы: Үй жануарлары
Мақсаты: Үй жануарлары туралы түсінік беру. Олардың ерекшеліктерін, адам өміріне пайдасын, төрт түлік малға не жататынын, олардың төлдерін атап айтуға баулу.
Әдіс – тәсілдері: Әңгімелеу, түсіндіру, сұрақ - жауап
Көрнекілігі: Төрт түлік малдың суреттері, хрестоматия

Іс - әрекет кезеңдері
Тәрбиешінің іс - әрекеті
Мотивациялық - қозғаушы Жылулық шеңбері
«Қошақан» әніне музыка әуенімен жасалады:
Жазда атамның аулына
Барып едім қыдырып.
Бір қошақан алдымнан
Шықты ойнақтап жүгіріп.
Ақ маңдайлы ай мекен
Шекер ме екен, бал ме екен,
Кеттім оны сағынып,
Қошақаным қайда екен.

Іздену - ұйымдастырушылық Кіріспе әңгіме
- Балалар, үй жануарларын атап бере аласыңдар ма?
Хрестоматия оқулығында берілген төрт түлік малдың төлдері жырын оқып беру - торпақ, лақ, қозы, бота, қошақан.
- Төрт түлік малға не жатады?
- Малдың төлдерін қалай атайды?
Ақын жазушылардың төрт түлік малға арнаған шығармаларымен таныстыру. Төрт түлік малға сипаттама бере кету керек.
Түйе - малдың үлкені,
Жылқы - малдың үркегі,
Сиыр - малдың сүттісі,
Қой - түліктің құттысы.
(С. Қасиманов)

Төрт түлік малдың адам өміріне пайдасын толық айтып кету. Олардың етін жейміз, сүтін ішеміз, құрт, майын, ірімшігін жейміз. Жылқының етін, қазы - қартасын, қымызын ішеміз, қойдың жүнінен көрпе жасаймыз, тоқыма бұйымдар киеміз. Түйенің шұбатын ішіп, шудасын пайдаланамыз. Міне, адам өміріне пайдасы осылай тиеді. Сондықтан малды қастерлеу керек.
Сергіту сәті
Үй жануарларының қимылын жасату.
Лақша секіріп,
Қозыдай маңырап,
Құлындай ойнақтап,
Сиырша асықпай,
Ботадай маң - маң басып жүріп, іс - қимыл жасау.
Дәптермен жұмыс:
1. Төрт түліктің төлін ата.
2. Төрт түліктің пайдасын айт.
3. Суретті бояу.