InfoHub Logo

Barlyq mamandyq qajetti
Bilim berý salasy: Áleýmettik, Tanym
Bólimi: Qorshaǵan ortamen tanystyrý
Maqsaty: - Balalardyń ár túrli mamandyqtar týraly bilimderin tolyqtyrý
- Sýret boıynsha qoıylǵan suraqtarǵa tolyq jaýap berýge daǵdylandyrý
arqyly zeıinderin damytý.
- Mamandyq tańdaýǵa qyzyǵýshylyqtaryn týdyrý.
Kórnekilikter: Mamandyqqa baılanysty sýretter, dıdaktıkalyq oıynǵa qajetti slaıd

Motıvasıalyq - qozǵaýshy
Shattyq sheńberi
- Balalar búgin bizde erekshe kún, tobymyzǵa kóptegen qonaqtar kelip otyr, qonaqtarmen amandasaıyq.
Jylýlyq sheńberi: «Tilek shoǵy» dep atalady.
(bir - birine jaqsy tilekter aıtyp gúl shoǵyn beredi)
- Balalar qarańdarshy senderdiń gúl shoqtaryń úlken tilek shoqtaryna aınaldy.
- Minekı, ózgege densaýlyq tilep, jaqsylyq jasasań ózińe qaıtyp oralady.
- Balalar osy jaqsy kóńil kúımen oqý is - áreketimizdi bastaımyz.

- Ár kúniń qýanyshqa toly bolsyn,
- Saǵan densaýlyq tileımin.
- Aspanymyz ashyq bolsyn
- Ata - anań aman bolsyn
- Balabaqshamyz kórkeıe
- Denimiz saý bolsyn
Balalarmen sálemdesý

Uıymdastyrý - shylyq - izdestirý
- Balalar sender myna kúndelikti kelip júrgen, ózderin turyp jatqan úılerdi salatyn adamdar bar, aýyryp qalsaq emdeıtin adamdar bar, kıimderimizdi tigip beretin adamdar bar, bizge bilim beretin adamdar bar, shashymyzdy ádemilep qıyp beretin jáne dámdep tamaq pisiretin adamdar bar. Bul adamdardyń barlyǵyn bir sózben aıtqanda mamandyq ıeleri deımiz.
Bizdiń tańdaýymyz da ártúrli. Bireýiń erteń aqyn, ekinshiń ınjener, úshinshiń qurylysshy bolasyń. Jaman mamandyq joq. Mamandyqtyń bári jaqsy
(esik qaǵyp qoıan kiredi)
- Qoıan sizge ne boldy?
- Men balalaryma dúkennen syılyqtar alyp kele jatyr edim, meni mashına qaǵyp ketti.
- Balalar, qoıanǵa qalaı kómektesemiz?
- Qoıandy kim emdep jazady?(dáriger)
- Balalar qoıannyń sizderge alyp kelgen tapsyrmasy bar. Qoıannyń kóńil kúıi jaqsy bolý úshin, tapsyrmasyn oryndaıyq.
- Al, balalar men senderge jumbaq jasyraıyn.
Al myna jumbaqtardyń sheshýin tabyńdarshy?
1) Mekteptiń júregi,
Bilimniń tiregi. (Muǵalim)
2) Saýyqtyrar syrqatty,
Jyly únmen til qatty. (Dáriger)
3) Tikti ásem kıimdi,
Dúkenge ákep ilindi. (Tiginshi)
4) Zymyrandy erttegen,
Aı – juldyzdy zerttegen. (Ǵaryshker)
- Jaraısyńdar balalar jumbaqtardy óte jaqsy sheshtińder.
- Balalar qandaı jumbaqtar sheshtińder (muǵalim, dáriger, tiginshi, ǵaryshker). Bul sózder neni bildiredi?
- Árıne mamandyqtar týraly. Sebebi bizder búgingi sabaǵymyz mamandyqtar týraly.
Endi ózimizdi bıshimiz dep sanap, bı bılep sergip alaıyq.
Sergitý sáti: «Jumyr qylysh»

Balalar endi sýretke nazar aýdaraıyqshy, qazir suraqtarǵa tolyq jaýap berip, sóılem qurastyraıyq.
Mysaly – dáriger mamany kim? – ol kishkentaı balalarmen úlkenderdi emdeıdi.
Aspazshy mamany kim? – dámdi as pisirýmen aınalysady.
Qurylysshy mamany kim? – kóp qabatty, záýlim úıler salady.
Muǵalim mamany kim? – oqý men jazýdy úıretetin, bilim beretin apaı.
Maı qyzmetkeri kim? – eldiń tynyshtyǵyn qorǵaıtyn maman.
Satýshy kim? – ol azyq – túlikter satatyn adam.
Shashtaraz mamany kim? – túrli shash sándeıtin adam.
- Balalar qoıandy emdep jazdyq. Endi jol erejesin maı qyzmetkeri túsindirip joldan júrgizip kórsetsin.
- Jaraısyń, qoıan, endi jol erejesin úırendiń be.(úırendim)
- Olaı bolsa sen bizge qonaq bol.
- Jaraısyńdar balalar, endi bárimiz taqtadaǵy sýretke qaraıyq.

Qazir «Kim jyldam» oıynyn oınaımyz. Ol úshin bárimiz taqtadaǵy oıynnyń shartymen tanysyp óteıik.
Sharty: taqtadaǵy sýretterge qaraımyz, qaı sýret mamandyqqa kerek. Sony tez taýyp aıtamyz.
- Balalar qoıanda qyzyǵyp sendermen oınaǵysy kelip tur.
- Birge oınaısyńdar ma?
- Endeshe «Sen óskende kim bolǵyń keledi?» oıynyń oınaıyq.
- Sharty: Qoıan dop laqtyrý arqyly ár bala óz oıyn aıtady.
- Balalar men kójekterime baraıyn. Sender jol erejesin úırettińder jáne dárigerlik kómek kórsettińder. Al endi men syılyqtarymmen bóliseıin. (alma taratý) Senderge kóp rahmet. Saý bolyńdar balalar.

Mamandyqtyń túrleri kóp: Dáriger, muǵalim, ushqysh, tárbıeshi, qurylysshy, shashtaraz,, júrgizýshi, aspaz, ánshi, bıshi, jýrnalıs, t. b kóptegen mamandyqtar bar. Mamandyqtyń jamany joq, tek ony durys tańdaı bilý kerek. Qalaǵan mamandyqtyń ıesi bolý úshin eńbeksúıgishtik pen bilimdilik qajet, úlken óner men zor sheberlikti qajet etedi.

Shashtaraz - bul mamandyq ıesi adamdardyń shashyn qıyp sánin keltiredi.
Dáriger - aq halatty abzal jan, adam balasynyń arashasy emdeıdi shıpasyn tıgizedi.
Muǵalim - árip úıretip, bilim nárimen sýsyndatatyn adam.
Aspazshy - dámdi taǵam pisiretin(maman ıesi).
Júrgizýshi - baratyn jerińe tez jetkizip salatyn, adamǵa qamqor bolatyn jan.
Qurylysshy - záýlim ǵımarattar, qabat - qabat úıler salatyn maman ıesi.

Mine mamandyq ıesiniń ózindik ereksheligi, ár mamannyń ózine tıesili jumystarymen sheberlikterimen erekshelenedi.
Slaıdtan mamandyq ıelerin kórsetý arqyly balalardan suraq - jaýap jumysy.

VI. Qorytyndy: Óte jaqsy balalar, er jetken soń ata – analaryń maqtan etetin, ózgeler qurmetteıtin, syılaıtyn, eń bastysy eliń maqtan tutatyn azamat, maman ıesi bolyńdar!
Muǵalim:
Jaqqan bilim shyraǵyn,
Men bolamyn muǵalim.

Dáriger:
Syılaıtyn saýlyq, amandyq,
Dáriger jaqsy mamandyq.

Shekarashy:
Tynyshtyq kúzetip turatyn,
Shekarashy bolyp shyǵamyn.

Júrgizýshi:
Elge qyzmet istegen,
Kólik aıdap úırenem.

Aspazshy:
Jasaıtyn túrli taǵamdar,
Aspazshy jaqsy mamandyq.

Ǵaryshker:
Toqtar, Talǵat – naǵyz er,
Solardaı bolam – ǵaryshker.
Polısıa:
Tártip, zańdy qoldaıdy,
Polısıa eldi qorǵaıdy.
Qurylysshy:
Adamdarǵa úı salǵan,
Qurylysshy bolam ulǵaısam.
Kenshi:
El baılyǵyn kóbeıtken,
Shahtór bolam eseısem.
Tiginshi:
Tigetin kıim - keshekti,
Tiginshi bolam men epti.
Elektrık:
Jaryq etken túnińdi,
Elektrık bolam bilimdi.

Balabaqsha tárbıeshisi: Bıbinur Daýylbaeva